Shillong, Jylliew 15: Ka Organisation, kum ba long man la u snem ka sngewkmen lang bad baroh ki samla pule bad mynta ka kynti ruh ka organisation lyngba ka 16th Meritorious Award for Students 2019. Kane kan long tang ia ki samla pule jong ka 19th Shillong Constituency.
Ka seng kan ai Khusnam bad Pynkup burom ia baroh ki samla pule Kynthei bad Shynrang kiba pass bha ha ki Examination bapher bapher kum ha ka SSLC/HSSLC/ICSE/ISC/CBSE/DEGREE /PG/DIPLOMA etc jong mynta u snem 2018-2019, kiba pass ha ka kyrdan 1st Division shaneng.
Kane Ka Khusnam Pynkup Burom yn ai Kyrpang ruh sha baroh ki Samla pule Kynthei Bad Shynrang ki ba duna ia ki dkhot met bad ruh ki ba Sangeh pule noh na ka daw ka jingduk jingkyrduh kiba pass ha kino kino ki Division.
Khnang ba ngin ai mynsiem shuh shuh ia ki, nga kyrpad iaphi ba phin sngewbha ban wanrah sha ka jingtip jong ki samla pule Kynthei bad Shynrang lyngba ka kot khubor ba don burom jong phi ia kane ka 16th Meritorious Award for Students, 2019, Ka ban long ka burom ka ba khraw ia ki.
Ia ki application forms, ki samla pule kin wan shim na ka office trei kam jong ka Organization ka ba don ha ka Mala ba nyngkong jong ka iing jong u Bah Sanbor Shullai MLA (President) ha New Kench’s Trace, Shillong Naduh ka por 7.00 baje Haduh 11.00 baje (Mynstep) bad ka sngi khatduh ban pdiang ia ki application forms kan long ha ne shuwa jong ka 10 tarik August 2019.
