Shillong, Naiwieng 22: U Chairman jong ka kynhun Shillong Round Table 252, u Arnav Chachan mynta ka sngi u la ong ba kane ka kynhun trei mon sngewbha kala shim ia ka rai ban tei ia ka iing skul jong ka Mohan Massar ha Mawprem ha ka jinglut kaba la kot sha ka ar klur tyngka bad ia ka yn pyndep hapoh lai snem.
Ka daw kaba la pynlong ia kane ka kynhun ban shimti ban tei ia kane ka iing skul ka long ba kane ka skulk ala jot rathai, wat la ka dei ka Defecit School hynrei ka iing skul ka dei kaba la jop bad kane ka jingjot jong ka skul ka la pynlong ba ki khynnah ksul kila dang duna na kawei ka snem sha kawei pat.
Ka jingtei ia kane ka iing skulk an sdang ha u bnai Nohprah jong u bnai ban wan, ki kamra kaba kin shna kan long naduh klass Arit haduh klass X. Nalor ki kamra klas kin don ruh ki kamra ia ki nonghikai ki kamra ophis bad ka kynja hall bad kin pyndep ia kane ka jingtrei happoh jong ka lai snem.
Ban pynmih pisa na ka bynta katei ka iing skul ka SRT 252 kala rai ban pynlong ia ka jingpynbyrngai ia ki paidbah da kaba khot ia u nongleh komik u ba paw nam ha India u Zakir Khan ha ka 25 mynta u bnai. Ka seng ha kine ki lai snem kala lah ban iarap shna pynbha ia ka skul Balika Vidhyalaya kaba don ha Keating road ha ka jinglut kaba 17 lak tyngka.
