Shillong, Rymphang 23: Ki pulit jong ka East Jiantia Hills District mynta ka sngi kila lap ia kawei ka met iap jong ka kynthei briew ha rud suork jong ka shnong Dkhiah bad ia kane ka kynthei briew ym pat lah ban tip ia ka kyrteng jong ka.
Na ka liang jong ki pulit haduh mynta ki dang wad ban tip ia kane ka briew ka dei na ei, na ka liang jong ki pulit ki suba ba ki runar kila shu khynniat ia kane ka kynthei briew na kali por ba ki dang iaid lada peit ia ka thiah lyngkdop kane ka kynthei ha ka jaka ba ki lap ia ka met iap.
Ha kawei pat ka jingjia ka khynnah kaba dang 19 snem ka rta kala ujor sha ki pulit ba kala shah batbor ha u wei u briew u ba la tip kyrtengkum u John Tiewmon ha iing jong u ha Mawiong, Umsaw bad Mawjrong bad kane ka jingshah batbor kala long naduh u snem 2014.
Ha kane ka jingujor jong kane ka khynnah kala ong ba ka kurim jong u tei u briew kala buh beit ia ka ha iing jong ki bad kala byrngem iaka lada ka iathuh briew ia kane ka jingjia bad kane ka khynnah kala ong ha ki pulit ba mynta kala ar met ha u snem 2016 bad ha dien ba kala armet kala shah leh bein ha katei ka kurim jong u tei u briew ba la leh ia kane ka kam.
