Shillong, Iaiong 12: Ka BJP Meghalaya State Unit mynta ka sngi kala pynlong ia ka jingpyninam ia ka jingiaid lynti jong ka party ha kine ki 45 snem kiba la leit noh bad kumno ka dang iaid sha khmat ban pynkhlian ia ka ri ha kine ki lai sien lynter jong ka jingbat ia u lakam synshar.
Ia kane ka sorkar kaba la khlieh da u myntri rangbah duh jong ka Ri India u ba paw nam bha ha ka pyrthei u Narendra Modi, ka party kala shim bun ki lat ki lynti ban kyntiew ia ka ioh ka kot jong ki paidbah nongshong shnong kane ka ri.
Ka party ha ka jinglong myntri rangbah duh jong ka Ri India ha ka por jong u A.B Wajpayee kala pynrem ia ki shipai jong ka Pakistan ha ka thma Kargil, ka jingpyntroin ia ki lehnoh kiba la kyrshan da ka Pakistan ha ka jinglong myntri rangbah duh u Narendra Modi.
Ban iada iala ka jong ka ri ka dei ka phang kaba ha khmat eh jong ka party BJP, ha ka jingsynshar jong ka UPA ar sien ka ri kala don ha ka jingbym shong shngain bad ka jingsynshar bakla ha ki shiphew snem lynter la kynnoh ka BJP.
Ha kane ka jingpyinam ka BJP kala kam ba ka sorkar ka ialeh ban kyntiew ia ki riewlum bad kane ka sorkar kaba la ialam da u Narendra Modi kala kut jongmut ban kyntiew ia ki riewlum da kaba wanrah ia ka President ka Ri India ka Draupadi Murmu bad Chattisgarh u myntri rangbah ka jylla da u riewlum.
Haba phai sna North East ka sorkar pdeng kala wanrah shibun ki skhim ban kyntiew ia ki riewlum bad ka jingplie lat ha ki iew ki hat ia ki mar ki mata kiba la shna na kane ka thian shatei lam mih ngi ka Ri India.
Ka Waqf Bill kaba dang shudep pdiang da ki iing dorbar Parliament ka iada ia ki jaka jong ki riewlum kiba don ha ka jaka ba don ka Sixth Schedule bad kane ka long ba iada na ka bynta ka bha ka miat jong ki riewlum kam ka BJP.
Haka kane ka jingpyninam la pyni ia ki ain kiba la wan rah ia ka jingpynkylla ha ka sorkar jong u Atal Bihari Vajpayee kila don 14 tylli bad ha u Narendra Modi mynta kila don 8 tylli ki ain bala pynkylla, la kynnoh ba ha ka por ka Congress kila leh ban pynhiar dor ia ka riti synshar jong Ri.
