Shillong, Risaw 08: Ka jinglehniam Durga puja jong ki paid riewngeit Hindu kaba saw sngi lynter kala kut mynta ka sngi da ka jingpynngam ia ki dur blei ha Wahumkhrah, hapolo. Ha kane ka sngi da ki hajar ki paidbah kila ia poi sha kane ka jaka ban sakhi ia kane ka jingpynkut ia ka jinglehniam puja.
Ha kine ki saw sngi lynter ka jinglehniam durga pula kala iaid beit iaid ryntih hapdeng ka jingiphuh iphing ha kaba ki riewngeit Hindu kila pyndep ia ka niam ka rukom jong ki ha ka rukom kaba ishongkun kumba juh leh man u snem.
Na ka liang jong ki bor ba dei peit ia ki bor District ruh kila pynkhlain ia ki bor pahara ha baroh ki jala ba don ki pandal ban peit ba ka jinglehniam kan long kaba iaid beit iaid ryntih ha ka ia leit ia wan jong ki paidbah.
