Shillong, Kyllalyngkot 13: Ka Meghalaya BJP State Unit kala ai da ka dorkhas sha u myntri rangbah duh jong ka Ri India u Narendra Modi ha ka jingialang bah jong ka party BJP ha nongbah Delhi ban pyrshah ia ka Citizenship (Amendment) Bill, 2016 kaba la long ha Ram Lila.
Ia kane ka dorkhas la aid a u Bah Sanbor Shullai bad u Bah AL Hek myntri ka koit ka khiah jong ka sorkar jylla ha ka jingiadon lang u President jong ka Meghalaya State Unit jong ka BJP ba ki pynpaw ia ka jingpyrshah jong ki ia ka citizenship amendment bill 2016.
Ia kane ka juh ka dorkhas kaba la ai sha u myntri rangbah duh jong ka Ri India, ka Meghalaya State Unit jong ka BJP kala phah lang ruh sha u myntri rangbah ka jylla u Cornad K Sangma bad na pdeng ki state unit jong ka BJP na North East ka jylla Meghalaya kala long kaba nyngkong ban pyrshah ia ka Bill.
