Shillong, Nailar 11: Kat and sam um jong ka Mawkyrwat Division, South West KHasi Hills District kala ai ia ka jingujor bad ka Borsora police out post ba ki pipe umjong ka department kiba la mang ban ring um dih ha ka shnong Chimasora kila jah.
U Sub Divisional Officer jong ka tand sam um u Bah Batkupar Synrem u la ong ba “ ka dei ka jingshisha b aka ophis kala ai ia ka FIR hapoh jong ka Borsora police out post ba ki pipe um kiba dei ban ring um ha ka shnong Chimasora kila jah”.
Halor kane ka jingujor na ka liang jong ka ophis ka dang ap ia ka kaiphot na ki pulit jong ka Borsora, haduh kine ki sngi na ka liang jong ki pulit kim pat lah ban ai ia ka kaiphot sha ka department. Ia ka FIR kila ai ha ka 27 tarik jong u Naitung.
Kao phis jong ka Mawkyrwat Division jong ka tand sam um kala ai ia ka jingujor sha ki pulit ba kin pynlong ia ka jingtohkit halor ka jingujor jong ki briew na katei ka shnong ia ki pipe um kiba la mang ban ring um ha kane ka shnong la lap ba la pynlong kum ki dieng ker kper ha kawei ka haka kaba ha jan ka shnong Gilagora.
Na ka liang jong ki nongshong shnong jong ka Chimasora kila shon dur ia kine ki pipe um ba la pyndon kam ban ker kper bad kiba la dep ban ot lyngkhot bad ai sha ka department ban pynshisha halor ka jingujor ka jong ki. Katba ia ka jingring um sha ka shnong jong ki haduh mynta ympat lah ban pyndep.
