Shillong, Lber 21: Mynta ka sngi u rangbah shnong Golflink u bah Micheal Hek mynta ka sngi u la ai jingiarap da ki marbam ia ki 35 ngut ki nongshong shnong bad na kine 5 ngut ki dei ki ASHA kiba dei napoh ka shnong.
Ha kane ka jingiarap ia ki long iing kiba duk hapoh jong ka shnong la don lang ruh u bah Rocky Hek wei na ki riew rangbah ba trei kam mon sngewbha, kane ka jingiarap kaba la ai sha ki nongshong shnong la bei da u rangbah shnong.
Kine kiba ioh ia kane ka jingiarap na ka liang jong ka shnong kala jied ia ki briew kiba duk na kiba duk tam, na ki ASHA kiba la ioh ia kane ka jigniarap dei kiba trei ia ki kam sar madan, bad kiwei kiwei kikam ba ka jingioh ka duna bha.
U bah Rocky la ong ba kane ka jingiarap la bei na u rangbah shnong shimet ha kaba u la ia don lang ha kane ka sngi por ba sam ia ki marbam sha ki paidbah nongshong shnong kiba don ha ka jingkyrduh.
