Shillong, Naitung 10: U Bah Banshai Marbaniang u wei na ki riew rangbah ba trei ia ki kam mon sngewbha u la phah da ka jingthoh sha u myntri ka tnad pule puthi jong ka sorkar jylla u Bah Lahkmen Rymbui halor ka jingai phom rung klass XI ka St, Anthony’s wat la ka MBOSE kam pat pynmih ia ka resolt matrik SSLC jong u snem 2020.
Ha ka juh ka por ha kane ka jingthoh kaba la ai sha u myntri ka tnad pule jong ka sorkar u Bah Banshai Marbaniang u la phah ia ka juh ka jingthoh sha u myntri rangbah ka jylla u Conrad K Sangma bad kum juh sha u Principal Secretary ka sorkar jylla ba dei peit ia ka tnad pule puhti.
Ha kane ka shithi u Bah Banshai u la ong ba katkum ka jingpyntip jong ki kmie ki kpa kiba kwah ban phah pule iala ki jong ki khun ki kti ha katei ka skul ka long ba kala khot pynrung klass na ka bynta jong u snem 2020 wat haba khlem pat pynmih ia ka reslot bad kane ka jingleh kala buh ia ki ba bun na ka jingsngewdiaw namar kumno la shah ban shim phom lypa wat ha dpeng kane ka jingialeh pyrshah ia u COVID-19.
Ka ong ba kane ka jingai phom jong kane ka skul kala long ka sien kaba ar ha kane ka kynti kaba mynta, kaba nyngkong kila ai phom ha u bnai Jymmang bad u bah Banshai u la ong ba u la leit ban ia kren bad kane ka skul kila pynsangeh ia ka jingaiphom, hynrei mynta u Natiung kila ai biang bad haba u la leit ban ia kynduh ym shym la ioh lat ban ia kynduh ia ki nongpyniaid kane ka skul.
Ha ka shithi u bah Banshai u la kdew ba ia kane ka phom ki hap ban siew bad lada jia ba ki pheil kila duh ei ia ka pisa bai phom, la sngewthuh bas a tang ba kin ai noh sha kiwei bad kylliang ia ka kyrteng. La kyrpad ia ka sorkar ba kan tuklar lem ia kane ba ki skul kin nym ioh lat ban leh katba ki mon, ha ka jingthoh kaba la phah la kyntu ia ka tnad pule puthi ban bthah ia baroh ki skul ba kin ai phom ha dien bala mih ka reslot SSLC, la ong u Bah Banshai Marbaniang.
