Shillong, Iaiong 23: Mynta ka sngi ka seng Hynniewtrep A.chick National Movement (HANM) hapoh ka jingialam u president seng kmie u bah Lamphrang Kharbani mynta ka sngi kila leit ban ia kynduh ia ka Deputy Commissioner ka East Khasi Hills District halor ka jingkiew dor kynsan ki marbam mardih.
Haba kren ha ki lat pathai khubor ha dien ka jingiakynduh ia ka Deputy Commissioner ka kong Isawanda Laloo, ka long halor ka jintgkiew dor palat ki marbah ha kine ki sngi ha iew ha hat bad ha kane ka jingiakynduh na ka liang jong ka seng kala kren shai ba lada ym lah ban leh ei ei ban pynhiar hapoh shitaiew lym kumta ka seng kan pynlong da ka jingiakhih.
Na ka liang jong u President ka HANM u long ba ha kane ka jingiakynduh ia ka DC u la iathuh ha ki bnai kiba la dep haba leit banthied umphniang tin dang dei ha ka dor T.1950/- tyngka katba mynin ka sngi pat ka poi haduh T.2200/-, u khaw Arham ba 50 kilo ha kine ki bnai kiba la dep haba u leit ban thied T.1700/- katba mynin poi T.1800/-.
Kane ka jingwan ia kynduh kum ka seng ia ka Deputy Commissioner ba ka dei ban leh ei ei ha kaba ia dei bad kane ka jingkiew dor kynsan ki marbam mardih bad lada ka DC kam lah ban leh ei ei hapoh kane shitaiew kum ka seng kam ban se ban shim hi ia ka ain ha kati ban lei khynra hi ban wat ia ka daw balei ka kiew dor.
Ka daw kaba la pynlong ia ka seng HANM ban ia kynduh ia ka Deputy Commissioner ka long namar ka jingkiew dor palat ki marbam mardih kaba man ka por bad kane kan ktah ia ki paidbah khamtam ia kito kiba bylla mynstep bad thied bam mynmiet.
Na ka liang ka seng kala shim ia ka rai ba lada ka sorkar kam lah ban pynhiar dor ia ki marbam mardih lyngba ka Deputy Commissioner hapoh shitaiew ka seng kan pynlong ia ka jingiakhih bad na ka liang jong seng kan phah ia ki dkhot ban wat jingtip ha kaba ia dei bad ka dor.
Na ka liang jong ka seng kala maham ruh ba lada ka lap ba ka jingpynkiew dor ia ki mar bam ka dei tang namar ba kadon ka jingtieng ba ka khlam COVID-19 kan kiew ha kane ka jylla bad ban shim kabu ban pynkiew dor bad ban buh ia ki paidbah ha ka jingeh ka seng kan khang tala ia kum kita ki dukan.
Kum ka seng ka kham shepting ia ka jingiap thngan ki rangli juki, kiduk ki suk ban ia kaba iap COVID-19. Ha kane kane ka jingiakynduh hapdeng ka jingiakren ka Deputy Commissioner kala phone sha ki Inspektor ba kin leit jurip mardor ia ka ki dukan ha iewduh bad lada lap don kiba shim kabu kin shah pynshitom katkum ka ain.
Na ka liang jong ka seng HANM kala ong ia ka DC ba ka don ka jingkiew dor hynrei kamd ei ban kiew dor palat da ki spah pat, ka jingkam ba ka don ka elekshon ha West Bengal bad Assam kam don bynta ei ei bad ka jylla Meghalaya ban pynkiew dor ia ki marbam.
