Shillong, Jylliew 15: Ka KSU Nangbah Unit ha ka sngi nyngkong hapoh ka jingialam jong u president ka unit samla Morning Star Pasi, general secretary samla Eugine Hinge bad katto katne ngut ki dkhot ka seng ka la leit ban buh da ka jingthoh hakhmat u branch manager ka PNB Nangbah Branch namar ba kane ka bank kam treikam shuh la kumba lai taiiew eiei.
Ka seng kala ai por tang hapoh shi taiiew ia kane ka bank ka dei ban plie, lada jia ba kane ka bank kam lah ban treikam hapoh kane ka por ba la buh, ka seng kam banse ban pyrkhat da kawei pat ka lynti. Ka seng kala dawa ruh ban buh ia ka ATM Machine ha kane ka bank khnang ba u paitbah un suk.
U manager ha ka jingiakren bad ka seng u la kular ruh ban pynbit pynbiang hapoh kane ka taiiew bala buh da ka seng, u la kyrpad ruh ia ka seng ban ia treilang khnang ban lah ban wanrah ia ka ATM Machine ha ka ne ka bank.
