Shillong, Nailur 30: U Bah Lamphrang Kharbani president jong ka seng HANM u la ong ba kila dep ban ai ia ka dorkhas sha u myntri kam poh iing ka jylla u Bah HDR Lyngdoh ha kaba kila dawa ka sorkar ba ka dei ban wengnoh ia ki mawpud kiba la wan thung da ka sorkar Assam.
La ong ba lada ka sorkar kam lah ban leh ei ei ia kane ka seng kam ban se ban leh hi ban leit ban weng ia kine ki mawpud kiba la wan thung hapoh ka jylla Meghalaya kiba la don mynta kumba 40 tylli ei ei ha ki bynta jong ka khanapara.
Ka HNAM kala dawa ruh ba dei ban buh noh ia ka police outpost ha Block I bad Block II, ban ia da ia ki briew jong ka jylla Meghalaya na ka jingshah thombor ha ki lehnoh karbi.
Ha kaba ia dei bad ka Langpih, la ong ba mynta ki don kumba 260 tnum iing kiwei ki jaid bynriew kiba la wan buhai shnong na ka jaidbynriew Nepali, ka seng kam pyrshah iano iano hynrei ka jingpyrshah ka long ba kine ki jaka ki dei ki jaka jong ka Meghalaya la kam ka HANM.
La ong ba ha kane ka jingiakren na ka liang jong u myntri kam poh iing ka jylla u Bah HDR Lyngdoh u la ong ia ki nongialam jong ka HANM ba halor ka police outpost ka sorkar kan sa buh, ha kaba ia dei bad ki kam pud kam sam kane ka kam ki hap ban ia kren ha poh jong ka cabinet.
U Bah Kharbani u la ong ba la da ka sorkar kam lah ban leh ei ei ban iada ia u pud u sam na ka jingwan kyntur pud jong ka jylla Assam, ka seng kam ban se ban leh ia kaba don kam ban leit hi ban pynpra ia ki maw pud jong ka jylla Assam kiba la wan thung jubor la kynnoh.
