Nongpoh , Ïaïong 02: Ki nongialam ka KSU, North Khasi Hills District bad ka HNYF na 20 merCircle mynta ka sngi ki la leit ban sei syndon ia wei u runar na ka ïing sah jong u ban leit aiti noh sha ki pulit ban pynshitom halor ki kam pohjaid jong u halor ki kam lehbeijot jong u ne u runar ha ka shnong Tasku Nongrim ha Ri-Bhoi District,
Ki nongialam jong kine ki seng ba la ialam da u Samla Paul Wahlang, publicity ka KSU, NKHD bad u Samla Jayan Sylliang, assistant secretary ha ryngkat u Samla Shining Lyngdoh, president ka HNYF 20 mer Circle
tang mar ia ioh ia ka jingujor halor katei ka kam pohjaid jong utei u runar ki la hiar ban sei na ka ïing sah jong u bad ban pynlong ia ka jingtohkit kaba jur halor katei ka kam kaba u la leh.
Utei u Runar ba la tip kyrteng kum u Sandorlem Makhroh (31) na ka shnong Tasku Nongrim ha kaba nyngkong u la pyrshang ban len bad da rap jop ia kaei ka kam kaba u la leh, hynrei dei hadien ba la
ai jingsneng da ki nongialam ba u la phla ba u la leh ia katei ka kam hapdeng ka jingbuaid.
Ka jingleh khlen akor utei u runar ka la long ia kawei ka Samla lud jong katei ka shnong, ha Tasku Nongrim, kaba dei ka Samla ba don jingduna ha ki dkhot met (anna) bad kaba dang 18 snem, ia kaba utei u runar u la shim kabu ia ka jinglong kynthei jong ka, ha ka jaka sah jong ka hi, kaba la shu khang na shabar, namar ka jingiada ki kmie ki kpa jong ka ia la jingim ba ka don kum katei ka jingpang, kaba ym khang na ki bynta ba shapoh bad ba utei u runar ha ka miet 31 tarik bnai ba la dep, u la leit rung bad plie na shabar ha ka por 11 baje mynmiet bad leh syndon ia katei ka kam runar.
Katei ka samla ka la phla hynnin ka janmiet bad ki bahaïing jong ka ki la ujor ia kane sha ki dkhot kitei ki seng bhalang ka them Ri-bhoi kiba la shimti ia kane ka jingjia ban pynlong ia ka jingtohkit bad ki sa aiti syndon sha ki pulit, la iathuh kitei ki sengbhalang.
Utei u runar mynta u la don ha ka kti ki pulit ka Byrnihat bad na ka liang kitei ki seng bhalang ki la dawa ba ki bor ka aiñ ki dei ban pynsaja ia u katkum ki kyndon aiñ.(SP News)
