Shillong, Iaiong 14: Mynta ka sngi ka kynhun ki seng rangbah jong ka balang Katholik kala pynlong ia ka jingkynduh lang kaba XV jong ka Shillong Arch Diocese hapoh Parish Wahlang St. George, kane ka jingialang ka long ar sngi ka 13 bad 14 tarik Iaiong 2024.
Ha katei ka lympung kaba XV ka Synjuk ki Seng Ràngbah Katholik ba la pynlong kala buh ia ka mat phangpdeng “Ko kynrad to hikai ia ngi ban duwai ia kaba la sot na ka kospel u “Lukas 11:1.
Da ki phew hajar Ngut ki longkpa na ki 7 tylli ki Zone ki la wan shim bynta ha ka jingialam u Spiritual Director ka Synjuk u Sohblei Andreas Sun, u President u Bah Carlus Kharkongor.
Haba sdang ia katei ka lympung pynkut myn ka Sngi U Blei u Archbishop Victor Lyngdoh DD u la long u kongsan ban tyrwa ia ka Mass Bakhuid ha jingiasynran u Sohblei Felix Thabah Nongsharai Ràngbah ka Shnat Niam St. George , Wahlang bad ki Sohblei baroh kiba la donlang.
U Archbishop Victor Lyngdoh haba sneng bakraw ia ki Ràngbah ba la longkpa “Ki longkpa ki long ki nonghikai ia ki khun da ka jingduwai bad ka Jingduwai ka dei ka dawai bah ia ka iing ka sem bad ka longrynieng manrynieng ban im.
U Archbishop u Iathuh ka Niam Katholik ka la buh Kyrpang ha kine bnai mynta na ka bynta ban puson ia ka bor Jingduwai kumba la bthah da u Kpa Bakhuid u Pope Francis.
Ki longkpa ki long ki nongseng ia longiing longsem ha ka jingduwai kam don jingmut ban sdang ia kiei kiei khlem ka jingduwai bynrap u Archbishop Victor Lyngdoh.
Bad ka Lympung kaba 16 kan leit sha Shnat Niam Divine Mercy Mawryngkneng Zone IV ban pynkut ia katei lympung kaba 15 la pynhiar ia ka lama ka Synjuk da u Archbishop pynbud da ka Jingrwai Anthem.
