Shillong, Nailur 10: U bah Sanbor Shullai MLA jong ka 19-Shillong South u la khot ia ka jingialang dang shen ban ia kren halor ka jingkiew kane ka khlam COVID-19 ha kane ka nongbah Shillong ha Laban Indor Sports Stadium.
Ha kane ka jingialang la iakren bad ia mir jingmut kumno ban weng ia ki jingeh jong ki briew, kaba la ktah ia ka ioh ka kot bad ban pynsngewthuh ia ki briew ban weng na ka jingsyier bad sngew tieng kum juh ban khanglad ia kane ka jingshah niew bein ia kito kiba ioh ia kane ka jingpang.
Ha kane ka jingialang na ka liang jong u MLA ka 19-Shillong South u la pynbna ban ai ka jingiarap da ka pisa sha kito ki long iing kiba don hapoh u lain jong ka jingduk jingkyrduh bad kum juh ia kiba trei ia ka kam ASHA bad ha ki jaka sam jingbam ka sorkar ki Aganwadi ban iarap ia ki lyngba ki COBID-19 Kommittee kiba don ha ki shnong ki thaw.
Ha kane ka jingialang la ia kren ruh kumno ban pynrit ia ki jaka bala mana bad kumno ban pynkloi ha kaba shim nongmuna ia kito kiba don ka jingiajan bad kito kiba shitom,ha kane ka jingialang la ia kren ruh ban pynbun shuh shuh ia ki jaka ban sah kyrpang ki briew.
Ha kane ka jingialang la ia kren ruh kumno ban iarap ia kito ki COVID-19 Committee bad ia ka rai kaba kila shim ha kane ka jingialang kim phah ruh sha u myntri rangbah ka jylla ba ka sorkar kan sngewthuh ia ka jingeh kaba ki paidbah ki ia kynduh.
Ha kane ka sngi la don lang u Director ka tnad ka koit ka khiah u Dr A War, u DHMO Dr Basaiawmoit, Zonal Magistrate Kong H.M.L. Kynta, u M. K Pathak S.I bad kiwei ki pulit jong ka Laban Police Station, Dr M. Sohliya, Dr. J. Rynjah, Rangbah Shnong, Headman, President bad Secretary jong ki shnong kiba dei na ka 19th South Shillong Constituency.
