New Delhi, Lber 23: Katba dang kiew ka jingshit ha ki bnai Lyiur, ki jingpluh ding ha ki hospital ki la kylla sha ka jingma. Ban iada na kane, ka Tnat Ka Koit ka Khiah bad ka National Disaster Management Authority (NDMA) ki la pyllait ia ka jingai jingmut sha baroh ki Jylla bad UT ha kaba la ban jur halor ka jingkongsan jong ka jingpeit lypa ia ki lad ki lynti ban iada na kum kine ki jingjia.

La bthah ia ki Tnat ka koit ka khiah bad ki bor Disaster Management ha ki jylla ba kin iatrei lang ban pynthikna ba baroh ki hospital ba la ioh jingithuh kiba don ha ki jaka pyniaid kam jong ki, ba kin shim ia kine ki sienjam:

Ki jingpeit bniah: La pynlong ka jingpeit bniah ia ka jingshngain na ki jingpluh ding ha baroh ki hospital ban sngewthuh ia ka jingbud ia ki kyndon na ka bynta ka jingshngain na ka jingpluh ding. Pynthikna ba ki lad iada na ka jingpluh ding ba kynthup ki jingpynsawa ha ka por ba pluh ding, ki jingai jingtip shaphang ka tdem, ki tyndongpynlip ding, ki jaka ioh um ban synreit, ki lift ha ka por ba pluh ding, ki don bad ki treikam.

Ka jingjuripia ka bording: La pynbeit ia ka jingduna ha ka bor ban kit ia ka bording. Ki hospital ki hap ban pynlong ia ki audit halor ka bor jong ki ban kit ia ka bording, khamtam haba ki wanrah ia ki tiar sumar ba thymmai lane ka jingpynkylla ia ki jaka trei sha ki ICU. Kino kino ki jingduna ki dei ki ba hap ban pynbeit mardor.

Ki NOC ba pynshisha ia ka jingbud ia ki kyndon kiba iadei bad ka jingpluh ding:Ki hospital ki dei ban bud ia ki kyndon bad ioh ia ki No-ObjectionCertificate(NOC) na ka tnat pynlip ding jong ka Jylla. Dei ban pynbeit ia ka bor ban kit ia ka bording ha ki jaka treikam ba kham rim ba la shna shuwa ia ka jingpyntreikam ia ki kyndon kiba iadei bad ka jingshngain na ka jingpluh ding

La pynbiang ruh ia ka jingbthah kaba bniah kaba batai ia ki sienjam ba ki hospital ki dei ban shim ban pynthikna ia ka jingshngain na ka jingpluh ding. Ia kane ka jingbthah la phah sha ki Chief Secretary jong baroh ki Jylla bad ki UT, da kaba bthah ruh ia ki ban ai jingttip shaphang kine sha baroh ki hospital ba la ioh jingithuh.

Kineharum ki dei ki jingbthah kiba hap ban bud ban iada na ka jingpluh ding ha ki hospital bad kiwei kiwei ki jaka ai jingsumar:

Ki lad ialeh pyrshah ia ka jingpluh ding kiba treikam:Ki hospital ki dei ban peit man ka por ia ki lad iada na ka jingpluh ding kum ki tyndongpynlip ding, ki jaka synreit um bad ki jingpynsawa. Kane ka kynthup ia ka jingpeit ia ka samoi pyndonkam ia ki tyndongpynlip ding, jingpynthikna ka jingsuk ban pyndonkam ia ki jaka synreit um bad ka jingkhlain ka um, bad ba ki lad pynsawa ki treikam bad ki dei kiba iohsngew ha baroh kawei ka jaka treikam.

Ka jingpeit bad ka jingpyrshang kaba man ka por:Pynbiang ia ka por ban peit ia baroh ki lad jingiada. Kane ka dei ban kynthup ia ka jingpeit man ka bnai ia ki tyndongpynlip ding, ki jingpyrshang man ka lai bnai ia ki jingpynsawa bad ki jaka synreit um, bad ka jingpeit shisienshisnem da kito kiba la tbit ha kane ka kam ban pynthikna ba ki iahap bad ki kyndon kiba iadei bad ka jingshngain ban pynshisha ba ki iahap bad ki kyndon kiba treikam ha India.

Ka jingpeit ia ka bor ban kit ia ka bording: Dei ban peit ia ki kam bording ar sien shi snem ban sngewthuh ia ka jingpynkambording ka hospital, khamtam ha ki jaka ba kham donkam bording kum ki ICU, ki jingkyntiew kam bad ki jingpynkylla ia ki rukom treikam da kito kiba la tbit ban trei ha ki kam bording ban pynthikna ba kine ki long kiba shngain khlem da ban khia ia ka bor treikam katkum ka NationalElectricalCodeofIndia-2023.

Ka jingshngain ha ka Oxygen: Ha ki jaka ba don ki tyndong oxygen lane ki jaka pynbiang oxygen, dei ban pyntreikam ia ki kyndon ba khlain ba khang ia ka jingdih duma bad dei ban tehlakam ia ki mar ba khluit. Dei ban don ki jingpyntip ban batai shaphang kine ki jaka bad ki nongtrei ki dei ban ioh jinghikai shaphang ki jingma kiba don ha ki jaka ba bun oxygen.

Ka jingbuhia ki jingai jingtip shaphang ka tdem bad ki jingpynsawa haba don ka jingpluh: Dei ban pynthikna ba don ki lad ai jingtip shaphang ka tdem bad ki jingpynsawa haba don ka jingpluh ha baroh ki jaka jong ka hospital khamtam ha ki kamrathiah nongpang, ki jaka iaid bad ki jaka paidbah. Dei ban pyrshangia kine man u bnai kumba la kdew ha ka IS2189 bad dei ban kylliang ia ki battery man u snem ne katkum ka jingdonkam.

Ka jingpeit bniah ia ki tiar ba kloi ban kem ding:Ka jingpeit ia ki mar ha ka jingshna ia ki hospital ka dei ban ithuh bad bujli ia ki mar kiba kloi ban kem ding da kaba bujli da kito kiba kham don jingiada na ka jingpluh ding, khamtam ha ki jaka ba ai jingsumar ia ki nongpang.

Ki mar ba don jingiada na ka jingkem ding ha ki jaka pyniaid ia ki mar bordingelektrik: Dei ban peit ia ki jaka ba pyniaid ia ki mar bordingelektrik ban pynthikna ba la sop ia ki da ki mar intumescent firestopsealant kiba iada na ka jingpur ka ding bad ka tdem na kine ki jaka.

Kiar na ka jingban khia ia ki jaka pynbiang bordingelektrik:Pyndonkam ia ki lad ba pyniaid ryntih ia ka bordingelektrik ban peit ia ka jingban khia. Pynthikna ba ym pyndonkam bun than ki mar bordingelektrikna kawei ka tyllong bording. Peit na ka por sha ka por ia ka rukom pyniaid ia ka bordingelektrik haba wanrah ia ki mar ba thymmai.

Ka jingbuhia ki lad synreit um bad ki pipe:Pynbiang ha ki jaka ba kongsan, ba kynthup ki ICU bad ki jaka puid, da ki lad synreit um bad ki pipe ba suk ban pyndonkam. Kine ki dei ban pyniasoh bad ki lad ai jingtip shaphang ki jingpluh ding ba lah ban pyndonkam haba don kanokano ka jingpluh.

Ka jingbud ia kaNational Building Code:Peit na ka por sha ka por bad pynbeit ia ki jingdon jingem jong ka hospital ba kin iahap bad ki kyndon kiba iadei bad ka jingshngain kumba la batai ha ka National Building Code Kane ka kynthup ia ki jingpynbiang ia ka rukom iaid ka lyer, ki jingkhang kiba don jingiada na ka jingpluh ding bad ki jingpynshai ha ki jaka iaid bad ki maw jingkieng.

Ka jingiohNOC ha ka jingshngain na ka jingpluh ding:Pynthymmai man u snem ia ka NOC kaba iadei bad ka jingshngain na ka jingpluh ding katkum ki kyndon Jingshngain na ka Jingpluh Ding jong ka Jylla na ka tnat pynlip ding. Kane ka kynthup ia ka jingpynbiang ia ka jingpynkhreh na ka bynta ka jingpluh ding bad ki jingtip shaphang ka jingpeit ia ki mar pynlip ding bad ka jingai jinghikai ia ki nongtrei.

Ka jingai jinghikai ia ki nongtrei:Dei ban pynbiang ia ki lad ai jinghikai ia ki nongtrei shaphang ki jingiada na ka jingpluh ding, ki kam ba dei ban leh haba pluh ding, bad ka rukom pyndonkam ia ki mar pynlip ding. Pynlong ia ki jingpyrshang ia baroh kine ki lad ar sien shi snem, ba kynthup ia ki rukom mih na ki jaka ba pluh ding, ban pynthikna ba ki doctor bad ki nongtrei ki sngewthuhkaei kaba dei ban leh haba don kum kine ki jingjia.

Ka jingpynbiang ia ki lad ban mih na ki jaka ba pluh:Pynbiang ia ka jingpynkhreh ia ki lad ban mih na ki jaka ba pluh ding ba kynthup ia ki jingpyni lynti ba shai, ki lad mih ki bym don ki kynrumkynram, bad ki jaka ba la ithuh ba biang ki jingshngain. Dei ban pyni shaiia ki lad ha baroh kawei ka hospital bad batai ia kine ha ki prokram ai jinghikai ia ki nongtrei. Baroh ki hospital ki dei ban pynkhrehia ki SoP ba dei ban bud haba don ka jingpluh ding.

La bthah ruh ia ki Jylla bad  UT ba kin pynlong ia ki jing jurip na ka por sha ka por ban pynthikna iaka jingbud ia kine ki sienjam na ka bynta ka jingshngain.