Shillong, Lber 29: Mynta ka sngi ka seng Ri Youth Welfare Organisation (RBYWO) kala leit ban khang ia ka jaka pule Central Agricultural University kaba don ha kyrdemkulai namar kala pynlong trei ha kane ka sngi khuid jong ki ki paid khristan ka sngi Thohdieng bakhuid.
U bah Elvis Kyrsian President ka seng RBYWO ba kila ioh ia ka jingtip ba kane ka jaka pule kala pyrshan ban pyntrei ha kane ka sngi bad na ka liang ka seng kala leit ban khang bad kila ia kynduh ia u Dean jong kane ka jaka pule.
Ha kane ka jingiakynduh na ka liang jong u Dean u la pynsangeh noh ia ka phah trei mynta ka sngi, kaei kaba k seng ka sngew khia ka long ba ki ioh ba ha kane ka sngi la pynlong ia ka eksam hapoh Niangbari ka skul jong ka sorkar pdeng.
Ka jingkylli ka long ba balei ka sorkar jylla kam lah ban pynlong noh ha dien ym kum ha kane ka sngi,namar ha kane ka jylla ki bun ki paid khristan bad ki pynpaw ia ka jingpyrshah kaba jur wat ia ka sorkar pdeng kala leh don bor bad ban iuh rait ia ka jylla Meghalaya.
U President ka seng RBYWO la ong ba ka long kaei kaei kaba sngewsih ban tip ha kane ka jaka pule jong ka Central Agriculture University wat ha ki sngi u blei, lada ngim kyndit thiat ha kine ki jingsdang kiba rit yn shah iuhroit ha ki por ki ban sawan ha kane ka sorkar pdeng kaba pyrshang ha ki sngi kyrpang jong ka jylla kum ki sngi long trei.
Na ka liang jong ka seng RBYWO kin dang iai khang lada la pynlong trei ha kum kine ki sngi mane blei kiba kyrpang ha kane ka jylla ka seng kannym tip shaei kan lam tang ba kin khang peit lada pynlong trei ha ki sngi kyrpang jong ka jylla.
