Shillong, Jymmang 11: U Myntri kam poh iing ka jylla u bah Lahkmen Rymbui mynta ka sngi u la pyntip bala duna ki lehnoh ha Meghalaya la pynwandur thymmai ka sorkar ia ka kynhun pulit SF-10 hapoh ka jylla Meghalaya.
Haba kren ha lat pathai khubor ha dien ba la wai ka jingialang jong ka kabinet u myntri kam poh iing u la iathuh ba la shim ia ka rai ban pynwandur thymmai ia ka kynhun pulit SF-10 ha ka jylla namar kumba ka long mynta ki lehnoh ha ka jylla kila duna.
La iathuh ba hapoh ka kynhun pulit SF-10 ki don 1307 baroh, na kine ka sorkar kala shim ia ka rai ban pynneh hapoh ka kynhun SF-10 905 ngut bad kiwei kiba shah ym phah noh sha ki District.
La iathuih ba 361 ngut ymbuh ha Tura Western Range bad 361 ngut yn buh ha Mawiong Eastern Range bad kiwei kin don ha headquarter jong ka kynhun pulit SF-10, ia kane ka rai la shim mynta ka sngi ha ka jingialang jong ka Cabinet.
Ka cabinet kala pdiang ruh ia ka rai ban wanrah ia ka jingkylla ha ka Meghalaya Private security Rules kumba leh ka sorkar pdeng, ka jingialang jong ka cabinet kala pdiang ruh ia ka service rule jong ka tnad Dairy bad la wanrah ruh ia ka jingkylla ha ka Meghalaya e-stamps duty 2020.
