Umsning, Naitung 29: ka jingshna ia ka 4-lane na Ladumroi sha Jorabad kala iaid shait shait hynrei balei ha Umsning ka sorkar kam lah ban leh ei ei ban sdang noh ia ka bad kaei ka jingeh ia ka sorkar ban shim ia ka rai na ei kane ka surok kan iaid.
Na ka liang jong u SP News Agency u la pyrshang ban wad jingtip na ki riew paidbah ha kaba ia dei bad kane ka surok na ei kan iaid ha kane ka shnong, kila don bun kiba pynsngew ba ka sorkar ka dei ban burom ia ka sur jong u ba bun ba lang lada ka sorkar kam sngew kumta ruh kala dei ban pyntrei kam noh na kaei ka jaka kaba ka kwah.
Kum ki paidbah ki kwah ia ka surok ym ia ka jingaishrud hapdeng jong no re jong no ki paidbah ki kwah ban iohi ba ka sorkar ka dei ban sdang noh ia ka jingtrei na ka bynta ban suk ka leit ka wan hynrei kumba ka long mynta ki ioh sngew sa tang ia ki jingkren hana.
Kum ki riew paidbah kiba bun haba ia kren bad u SP News Agency ki sngew ba kane ka kam ka dei ka bynta jong ki paidbah ban ia tuklar hynrei ka ophis jong u Deputy Commissioner na Ri Bhoi kala pynlong ia ka jingtwad jingmud na ki paidbah na ei ki kwah bad ka sur jong u ba bun ki kwah ba kan iaid na ka jaka ba don ka surok kaba mynta.
Ban pyndep ia kane ka surok ha katei ka shnong ka shnong ha ka sorkar mynta ban rai la kan pyniaid na Jan Block sha Umran Dairy da kaba iaid lait ia ka shnong ne ka kwah ban iaid na kane ka juk ka surok kaba don mynta ruh ka shong ha ka sorkar, kum ki riew paidbah ki shu kwah ban iohi ba ka jingtrei kan dep noh.(SP News)
