New Delhi, Lber 28: U Justice Ritu Raj Awasthi mynta ka sngi u la shim ia ka jingbam smai kum u dkhot ka kynhun bishar jong ka Lokpal jong ka Ri India, ia kane ka jingynbm smai la leh da u Justice A. M. Khanwilkar, ba dei u shongknoe ka Lokpal jong ka Ri India.
Ha kane ka sngi u Pankaj Kumar bad u Ajay Tirkey kila shah pynbm smmai kum ki dkhot jong ka Lokpal jong ka Ri India, ia kane ka jingpynbam smai la pynlong ha ophis jong ka Lokpal ka Ri India ha New Delhi.
Kane ka jingthung thymmai ka long ba ki dkhot jong ka Lokpal kiba dei na ka kynhun bishar u Justice P. K. Mohanty bad u Justice Abhilasha Kumari bad lain gut ki dkhot u D. K. Jain, ka Archana Ramasundaram bad u Mahender Singh kila pyndep ia ka por treikam jong ki ha ka 26/Lber/2024.
U Justice Ritu Raj Awasthi, shuwa ba un shah jied ban long u dkhot jong ka kynhun bishar hapoh ka Lokpal jong ka Ri India u la ong kum u shongknor jong ka Law Commission jong ka Ri India kaba 22 bad shuwa kata u la long u nongbishar rangbah ka Karnataka High Court.
U Pankaj Kumar u dei u IAS jong ka snem 1986 na ka bhah jong ka jylla Gujarat, bd shuwa ban poi sha kane ka Lokpal u la long u Chief Secretary ka jylla Gujarat. U Ajay Tirkey u dei u IAS ophisar jong u snem 1987 na ka kynhun jylla Madhya Pradesh, shuwa ban poi sha ka Lokpal u dei u Secretary jong ka tnad ba deipeit iaka jaka puta jong ka Ri India.
Ha kane ka jingpynbam smai ia kitei ki dkhot ka Lokpal u Praveen Kumar Srivastava ba dei jong ka Central Vigilance Commissioner bad kiwei ki ophisar jong ka CBI bad ED kila don lang ha kane ka jingpynbam smai ia kitei ki dkhot thymmai ka Lokal jong ka Ri India.
