Shillong, Jylliew 28: Halor ka jingkurup khaw ki pulit Assam thung ka sorkar da ka kynhun tohkit ba laitluid ban ia shai halor ka jingshah kynnoh baroh namar ka sorkar ka kwah ai ia ka jingshakri kaba khuid, la ong u myntri rangbah ka jylla u Conrad K Sangma.
Haba kren ha ki lat pathai khubor mynta ka sngi u myntri rangbah ka jylla u Conrad K Sangma u la ong ba ka sorkar ka kwah ba ki paidbah kin ioh ia ka jingshai halor kane ka bynta da kaba thung ia ka kynhun thohkit kaba laitluid ban ioh ia ka jingshai ban nym don shuh ka jingar tatien.
Na ka liang jong ka sorkar ka kren shai ba kam don kata ka jingiabam sap kumba la kynnoh, ban pynshai ia kane ka sorkar kala shim ia kane ka rai ban thung da ka kynhun tohkit da u nogbishar ba la shong thiat bad yn ai por lai bnai ban pyndep ia ka jingtohkit.
Haba ia dei bad ka jingsam ia u khaw bam ja sngi jong ki khynnah skul, u myntri rangbah u la ong ba wat la khlem long skul hynrei ki sam ia une u khaw bad u dang ioh ruh ia ki dur kiba la sam ha kine ki sngi.
U myntri Rangbah u la ong ba kane ka jingtohkit kaba laitluid kaba ka sorkar kan thung kan sa pynshai baroh ia ki jingkynnoh la ka long ha kano kano ka rukom ai kane ka kynthun tohkit kaba lait luid sa ai ia ka kaiphot sha ka sorkar hapoh lai bnai.
