Khliehriat, Naitung 29: Ka East Jaintia National Council (EJNC) kawei naki Sengbhalang kaba don hapoh ka shatri jong ka CoMSO ka pynrem jur iaki Pulit jong ka Jylla Assam, halor ka jingtuklar bad ka jingleh donbor jong ki naka por shaka por shaki thaiñ khappud hapdeng ka Meghalaya bad Assam.
Dang ha kane ka 26tarik mynta bnai nakaliang ki Pulit Assam ryngkat ki Magistrate jong ka Kamrup District, kila rung jubor shaka Shnong Iongkhuli,Ribhoi District, ban pyrshah iaka jingthmu jong ka MeECL ban thung iaki Post Light ha katei ka Shnong.
Kane ka jingleh heh jong ki Pulit Assam kala pynbitar iaki nongshong shnong jong ka Jylla Meghalaya ha kaba ki Pulit Assam kila nud ban ktah kti wat ia u MDC , ka Mawhati Constituency, Bah Charles Marngar.
Kane ka jingleh heh jong ki Pulit Assam shaki Thaiñ khappud bad ka jingleh bymsuidniew jong ki iaki Nongmihkhmat jong ka Jylla , kala jia naka por shaka por.
Haka Jingshisha ban pynpeit ia u Pud u Sam kadei ka kamram jong ki sorkar jong ki Artylli ki jylla dang ha kine ki khyndiat sngi kala don ruh ka jing iakren pynbeit ia u Pud u Sam hapdeng ki Myntri Rangbah ka Assam bad Meghalaya.
Hynrei kaba kyndit bad lyngngoh ban iohi tang hadien katto katne sngi ka jing ia kren, nakaliang ki Pulit Assam ryngkat ki bor District ka Kamrup District, Assam kila nud ban hiar shaduh Iongkhuli,Ri bhoi District, Meghalaya bad pynsangeh iaka jing pynieng Post Light jong ka MeECL ha katei ka shnong.
Ym tang ba ki pynsangeh hynrei kida kaba kam ba katei ka jaka ka hap hapoh ka Jylla Assam, haka jing shisha ban Pyntikna ia u Pud u Sam kadei ka kamram jong ka Sorkar ym jong ki Pulit.
Ka EJNC ka kyntu iaka Sorkar Jylla ban Shimkhia ban pynbeit noh kloi ia kane ka jing kam trai jong ka Assam ia katei ka Shnong kaba hap hapoh ka jylla Meghalaya bad kumjuh ka Sorkar MDA kadei ban pyntikna ruh ba shi inshi ka khyndew jong Jylla kamdei ban leit shaka Assam, la ong u bah Sambormi Lyngdoh President ka EJNC seng kmie.
