Shillong, Lber 27: Namar kaba ka don ka jingiakhap ha khappud ha pdeng ki ar tylli ki jylla Meghalaya bad Assam bad haba ia dei bad ka shnong suk shnongsain ha kane ka MP elekshon kaban sa long ha ka 19 Iaiong 2024, u Chief Secretary ka jylla u bah DP Wahlang u ka khot ia ka jingialang mynta ka sngi ban ia mir jingmut.
Ha kane ka jingialang na ka liang jong u Chief Secretary ka jylla u la pan jingtip ha kaba ia dei bad ka elekshn MP sha Lok Sabha ha kaba u DGP u Dr. L R Bishnoi u la ai ka jingbatai ha kaba ia dei bad ka shnong suk shongsain ha ka jylla bad ha khappud.
La iathuh ruh ba ka don ka jingiadei kaba jan bad ki pulit jong ka jylla Assam ban ia treilang ban pynnehpynsah ia ka shong suk shong sian ha khappud bad ka Election Commissin jong ka Ri India kala buh ia ka jingialang ban long ha deng kine ki ar tylli ki jylla ha ka 3/Iaiong 2024 ban ia kren halor ka shong suk shongsain ha khappud.
Ha kane ka jingialang mynta ka sngi kila iakren ruh ba kumno ban peitngor ha khappud, ban iada,ban bat, lada don kano kano ka kynhun ba thmu ban leh ia ki kam sniew bad ban peit bniah kuno ban phikir bha ha kahppud hapdeng kine ki ar tylli kijylla bad ban pyntreikam ia ka shukti da kaba siew ia ka bai bylla ha kane ka por elekshon.
Kiwei ki heh sorkar kiba la don lang ha kane ka sngi ki long u Additional Chief Secretary ba dei peit ia ka tnad kam poh iing u Dr. Shakil P. Ahammed, IAS, Commissioner bad Secretary, ERTS Department, u Sanjay Goyal, IAS, Chief Electoral Officer, Meghalaya, Dr. B.D.R. Tiwari, IAS bad ki ophisar na ka tnad elekshon u IG ki shipai BSF Frontier Headquarters, BSF Meghalaya, bad u State Police Nodal Officers, u M.K. Singh, IPS ia ka jingialang la pynlong ha Conference Hall Main Secretariat, Shillong.
