Shillong, Kyllalyngkot 27: Ka KHNAM ka ai ka jingkyrshan ba radbah ia ka prokram bala pynbeit daka Confederation of Hynniewtrep Social Organisation ban pyrshah iaka Citizenship Amendment Bill jong ka sorkar pdeng.
Ka KHNAM ka wer ka khot lang ia baroh ki paradoh parasnam jong ka bri U Hynniewtrep kynthup ia ki samla kynthei bad shynrang, ki long kmie ki long kpa, ki nongtrei sorkar, ki nonghikai, ki nongbylla bad kiwei kiwei ban ia poi khnang khnang kum kawei ka jaitbynriew naka bynta kawei ka jingthmu, Sha ka Dorbar Bah Ki Khun U Hynniewtrep bala pynbeit daka CoHSO haka 31 tarik Kyllalyngkot 2019 ha madam student naduh ka por 11 baje mynstep haduh 2 baje nohphai sngi.
Ai ngin klet ia ka jingsngew seng hynrei ngin shim nyngkong ngi dei kawei ka jaitbynriew. Kam leilei lada ngin hap ban pep ka bylla khnang ba ki patent ban wan kin ioh ban bylla laitluit, kam leilei lada hap ban pynshitom ia lade ban poi sha Kane ka jingialang khnang ban lait ban shitom ki pateng ban wan.
Labiang ka ieid Ri tang na iing khlem da don ka mynsiem ialeh. Paradoh parasnam ym don shuh da kiwei ki jaitbynriew, ki ban wan ban iada ia ka Ri ka jong Ngi. Ka kamram bad ka deity kadei ka jong ngi. Lyngba kane ka kyrwoh la pyntip shabaroh ki dkhot ka KHNAM na ki kyntoit bapher bapher ban ia poi ryntih sha kane ka prokram. “Mynsiem ba shynrang ka RI ka dawa, ka ding kaba klang mano ban iada” ong ka kyrwoh kaba la phah da u Bah Pyndapborthiaw Saibon president ka KHAM.
