Shillong, Jymmang 21: Ka Dr Rani A Bhat bad u Dr Sridhar PS jong ka Health Care Global Enterprises Ltd kila iathuh ba kane ka company kila iatheh bad ka tand ka koit ka khiah jong ka sorkar jylla lyngba ka Director Health Services (DHS) naka bynta ban sumar ia ka jingpang bampong ha ka hospital ka jong ki kaba don ha Bengalaru.
Na ka liang jong kaDr Rani kala ong ba shen kin sa don ia ka jaka ha kane ka nongbah shilling ba ki briew ki lah ban wad jingtip ha kaba ia dei bad ka jingkwah jong ki ban phah sumar ha kane ka hospital jong kane ka company. Ka jingiakren ka dang iaid mynta bad shen kin sa pyntip ia ki paidbah.
U Dr Sridhar u la iathuh ba kane ka HCG, ka sumar kyrpang tang ia kito kiba pang bampong, da kane ka jingiateh kane ka company bad ka sorkar jylla kan iarap shi bun iaki briew kane ka jylla ba kin ioh ia ka jingsumar da ka rukom kaba thymmai ki ba kat kum kane ka juk kaba mynta.
La iathuh ba ha kane ka hospital ka jong ki mynta kila pyndon kam da ki Robot ban puid ia ki briew kiba pang, kane ka iarap shibun ia u nongpang ban pynduna ia ka jingmih jong ka snam ha ka por ba puid bad ka jingpang ruh kanduna na ki rukom puid kiba juh long baroh shikata.
La iathuh ruh ba ka jingiapher ha kaba ia dei bad kane ka rukom puid ka long ba khambniah ban iaka ba puid da ki briew ka daw ka long ba ha ka met jong ki briew don lai bynta bad kum ki briew ki don ka jingkhih ha ka kti hynrei da kine ki robot ka jingkhih kam don bad ka jingpuid ruh ka long thik ha ka jaka kaba la mang.
KaDr Rani kala iathuh ba kila don ki briew na kane ka sor Shillong kiba la wan ban phah surmar ha kane ka hospital HCG ka jong ki bad ia ka jingpuid la leh da ki machine ia kaba la tip kum ka Robot surgery bad kane ka kham pyn kloi ruh ia kiba shitom ban kham jem kloi la iathu.
