Shillong, Naitung 07: U Chief Executive Member jong ka KHADC u bah Titosstarwell Chyne haba juba ia ka jingkylli bynrap u bah Ronnie V Lyngdoh la ong ba lada ka A.D Rule ka shah ka long kaba don kam ban don ia ka “Assurance Committee” lada kam don ha ka rule la da don kam hap ban pynkylla ruh.
Kane ka long ba u bah Charles Marngar ula wanrah ia ka jingkylli balie ka District Council kam shymbuh ia ki khyrdop wat la la dep ban kular hapoh ka iing dorbar da EM ba peit peit ia ka tnad khlaw hynrei haduh mynta khlem buh ia ka khyrdop ha Block II.
Halor kane u bah Titosstarwell Chyne la ong ba, katei ka jaka ka hap ha pdeng ka jingiakam mar kylliang hapdeng ka Meghalaya bad Assam bad jingiakren bad ka sorkar jylla bad ka District Council halor ki khyrdop ruh ka dang iaid bad ka KHADC ka dang peit bad bishar bniah ia kane.
U bah Charles u la pyntip hapoh ka iing ba ka Karbi Anglong Autonomous District Council ka buh ia ki khyrdop kaei ka jingeh ia ka KHADC ban buh ia ka khynrdop haba ka tei ka jaka ka dang don ha pdeng ka jingiakam mar kylliang.
Haba jubab ia kawei pat ka jingkylli jong u bah Charless Marngar ia ka jingioh na ki iew, u bah Titosstarwell Chyne la ong ba mynta u snem 2021-22 la ioh lum ka long T.17,51,910 tyngka, kane ka dei na ki iew jong ka District bad kum juh jong ki hima kaba ki Hima ki hap ban siew 10% sha ka KHADC na ka jingmih na ki iew. Na ka liang u CEM la ong ba dang don shibunki ain kiba hap ban dang pynbha.
