Shillong, Jylliew 14: U President ka BJP jong ka Meghalaya State Unit u bah Ernest Mawrie u la ong ba ha ka jingialang ki nongtrei ka party kila pynpaw ha khmat jong u Ajay Jamal general secretary kila pynpaw ia ka jingsngew jong ki ba ki dei ban mih noh na kane ka sorkar MDA bad weng ia ka jingkyrshan.
Halor katei ka jingpynsngew jong ki nongkyrshan ka party na ka liang jong u kum u president ka state Unit bad u secretary ba dei peit ia kane ka jylla kila pynsngew ia kaei kaba ki pynpaw da ki nongkyrshan ka party, hynrei ia ka rai kan shong ha ki nongialam ba rangbah ka party.
U bah Ernest Mawrie president ka BJP Meghalaya State Unit la ong ba ka shnong ha ka jingbtah ki nongialam barang bah ka party ban bthah la kin dang iai bteng ban ia treilang bad ka sorkar ne kin mihnoh na kane ka sorkar MDA, haba ia dei bad kane ki dang ap ia ka jubab na ki nongialam kiba halor ka party.
Haba ia dei bad kane ka jingpynpaw jong ki nongkyrshan ka party kin sa ia kren biang ha ka National Executive Committee Meeting ka ban long ha Hyderabad bad ha katei ka jingialang kin sa ai ia ka kaiphot kumba ki la pan, na ka liang jong ki ar ngut ki MLA ruh kin ap ia ka jubab na kinongialam ba ha khlieh ka party.
Haba ia dei bad ka jingkren jong u Deputy Speaker u Timothy Shira haba ia dei bad ka party BJP, u bah Ernest Mawrie la ong ba katei ka jingkren ka dei ka jingpynpaw jong shimat ia kaba um kwah ban ong ei ei.
Ha kane ka sngi ka National Secretary jong ka party BJP ka Asha Lakra kaba la wan sha Shillong haba kren ha ki nongthoh khubor mynta ka sngi kala kren ia shibun ki kam kiba ka sorkar MDA kala leh ha kine ki phra snem hapoh ka jingialam u Narendra Modi kumu myntri rangbah duh jong ka Ri India.
