Nongpoh, Naitung 04: Ka Federation of Khasi Jaintia and Garo People (FKJGP) Western Zone kala pynpaw ia ka jingbitar halor ka jingbym biang jong ka network aircel, reliance bad ka cellone mynta la kumba shibnai eiei ha ka thain Patharkhmah.
Kane kala buh shisha hapdeng ka jingeh ba khraw iaki paidbah katei ka thain, namar ba kim ioh shuh ban pyndonkam mobile kaba bun naki kam ki shu sahkut noh, khamtam haka iap ka im bad ka pang ka shitom ba kim ioh shuh ban pyntip kham kloi lyngba ka mobile.
Halor kane ka jingbym biang ka network ha katei ka thain naka liang ka seng ka ai por shitaiew iaka kompani aicel, reliance bad cellone ban pynbiang iaka network, lym kumta ka seng ryngkat bad ki paidbah kila rai ban ot syndon ia u tower daka Gas welding.
ha ka juh ka por Ka seng ka pynpaw ka jingsngewkhia bad bynniaw halor ka bym biang ka bording elektrik ha kane thain kaba ki paidbah ki shu shong hapdeng ka jingdum khlem light. Bun naki paidbah kila wan ban ujor shaka seng halor kane ka jingbym biang ka bording elektrik ha katei ka thain kaba ktah iaki kam ki jam jong ki paidbah bad ki khynnah skul kiba dang pynkhreh shait shait ban ialeh iaka examin shiteng snem khamtam iaki paidbah kiba ieid iaka phutbol ba ki duh ban sakhi iaka World Cup Football.
Naka liang ka seng ka dawa iaka MeECL ban pynbiang noh mardor iaka light ha katei ka thain lym kumta ka seng kam banse ban shim da kiwei pat ki lynti, bad dawa ruh ban nym pynpoi iaki bill light mynta u bnai namar ba ki paidbah ki khlem ioh ban pyndonkam iaka light.(SP News)
