Shillong, Iaiong 23: U Chief Executive Officer jong ka kompnei ba pyniaid ia ki leing suin jong ka Indigo u Pieter Elbers la ong ba kane ka dei ka sien kaba nyngkong kaba u la wan poi sha Shillong ka jaka kaba itynnad bha ban shim bynta ha ka jingiaid kjat ha ki jaka ba don la ka khana ha kane ka nongbah Shillong.
Haba kren ha ki lat pathai khubor ha dien ba la dep ia kane ka jingiaid kjat wat ha pdeng jong u slap, la ong ba kane ka jingiaid ka long tang kum ka dak ban pynphriang ia kane nongbah Shillong sha pyrthei ia kaba ka Indigo ka la leh mynta ka sngi.
Ban pynphriang ia ka nongbah Shillong sha ka Pyrthei, ka Indigo ha ka Magasien kaba ki juh pynmih man u bnai ban buh hapoh eroplane ba ki nongleit nongwan kin pule katba ki dang don hapoh ka eroplane, kila buh da ka dur jong ka nongbah Shillong ha ka sla kaba ha khmatduh jong ka magazine.
Da kaba leh kumne ka Indigo ka pynphriang sha ki 78 tylli ki ri jong ka pyrthei bad ha kylleng ki bynta jong ka Ri India, la ong ba ka Indigo ka kit ia ki paidbah nongleit nongwan 2.8 lak ngut ha ka shisngi ha ki tei ki ki ri ka pyrthei ha ka shibnai katkno ki briew kin tip ia kane ka nongbah kaba itynnad.
Kaba kongsan ka long ban pynneh pynsah ia ka jingkhuid namar kane ka nongbah Shillong ka dei ka jaka kaba khuid, don kam ia ka jingiatreilang da baroh ban pynneh ia ka jingkhuid, kane ka jingiaid kjat mynta ka sngi kan iarap ban sngewthuh ia ka jingkhuid.
