Guwahati, April 14: U Myntri Rangbah Duh, u Narendra Modiu la buh maw nongrim bad aiti sha ka ri ia ki projek kiba palat T. 3,400 klur ha Guwahati, Assam mynta ka sngi. U la buh maw nongrim ruh jong ka Assam Advanced Health Care Innovation Institute (AAHII) bad plie paidbah ia ka ‘AapkeDwarAyushman’ campaign da kaba sam ia kiAyushman Bharat PradhanMantri Jan ArogyaYojana (AB-PMJAY) card sha kito kiba dei ban ioh ia kine.
Ha ka jingai jingkren jong u, u Myntri Rangbah duh u la ai khublei ia ki briew ha kane ka sngi kyrpang jong ka Rongali Bihu. U Myntri Rangbah Duh u la ong ba ki jingdon jingem kiba iadei bad ka koit ka khiah ha Assam bad ka thain shatei lam mih ngi ki la ioh ia ka bor ba thymmai katba ka thain ka la ioh ia ka AIIMS kaba nyngkong jong ka bad ka jylla Assam ka la ioh lai tylli ki medical college kiba thymmai.
U la ong ba ia u maw nongrim jong ka hospital super speciality kaba don 500 jingthiah la buh ha kane ka sngi na ka bynta ka jingwad bniah ha ka jingiatreilang bad ka IIT Guwahati. U la ong ruh ba ka kam ka dang iaid shakhmat ha ka rukom treikam mission mode ban sam ia ki Ayushman Card sha ki million ngut ki briew ka Assam.
Ki briew, la ong u Myntri Rangbah Duh, na ki jylla marjan kum ka Arunachal Pradesh, Nagaland, Meghalaya, Manipur bad Mizoram ruh kin ioh jingmyntoi na kine ki projek ba pliepaidbah mynta ka sngi.
U Myntri Rangbah Duh u la kren shaphang ki sienjam ban kyntiew ia ki lad ki lynti ka jingpyniasoh ha ka thain shateilammihngi bad ka jingkiew ba la iohi ha ki jingdon jingem kum ki surok, ki rel bad ki kad liengsuin ha kine ki 8-9 snem ba la dep.
U Myntri Rangbah Duh u la ong ba ha ryngkat kine, ki jingdon jingem ha ka imlang sahlang ruh ki la ioh mad ia ka jingkyntiew kaba khraw ha kane ka thain namar ka jingpyniar ia ki kam kiba iadei bad ka pule puthi bad ka koit ka khiah kum bym pat juiohimynshuwa.
U Myntri Rangbah Duh u la aiti ia katto katne ki medical kolej ha ka por ba u la wan shen sha kane ka jylla bad mynta ka sngi, u la aiti ia ka AIIMS bad ki lai tylli ki medical kolej.
U Myntri Rangbah Duh u la kren ruh shaphang ki jingkyrshan ba la ai sha ki lad ai jingsumar bad sha ki nongpang lyngba ka jingkyntiew ia ki lad ka leit ka wan lyngba ki surok bad ki rel ha ka thain.
U Myntri Rangbah Duh u la ong ba u kynmawkumno ka jingthrang ban shim ram bad ban shong baheh halor ki briew da ki Sorkar ba rim ki la buh jingjynjar ia ka ri bad u la ong ba kane kam long kaba dei namar ki briew ki long kum u Blei.
U la ong ba ki Sorkar barim ki warahia ka jingsngew lakajong na ka tnainshateilammihngi namar ba ka don ka jingsngew ba ka jngai palat na kiwei kiwei ki bynta jong ka ri. Hynrei kane ka Sorkar mynta, la ong u Myntri Rangbah Duh, ka dei kaba niewkor ia ka jingai jingshakri bad namar kane ka lah ban iakren bad treikam na ka bynta ka thain shateilammihngi kaba la sngewjan shuh shuh ia ka mynta.
U Myntri Rangbah Duh u la ong ba u dap da ka jingkmen ba ki briew ka thain shateilammihngi ki la shimti ia la ka lawei bad ka roi ka par. “Ngi dang iaidshaphrang da ka jingngeit ha ka jingkiew shaphrang ka India lyngba ka roi ka par ha ka thain shateilammihngi. Ha kane ka por jong ka roi ka par, ka Sorkar Pdeng ka dang iaidlang bad phi kum ka paralok bad ka shakri,” la ong u Myntri Rangbah Duh.
Ha kaba kren shaphang ki jingeh kiba la rim jong ka thain, u Myntri Rangbah Duh u la ong ba ym lah ban don ka roi ka par haba ka kam sain pyrthei ba hiar pateng, ka jingsngew lakajong, ka jingbamsap bad ka jingkulmar ki suhthied. U la ong ba kane ka la jia bad ki kam ai jingsumar jong ngi.
U la bataiia kane da kaba ai nuksa da ka AIIMS kaba la seng ha ki snem 1950hynrei ym shym la don jingpyrshang ban seng ia ka AIIMS ha kiwei kiwei ki bynta jong ka ri. Watla la sdang ia ka kam ha ka por jong u Atal Bihari Vajpayee.
U Myntri Rangbah Duh u la ong ba ki jingpyrshangkim shym la iaidshakhmat ha ki snem ba bud bad dei tang hadien u snem 2014 ba la pynbeit ia ki jingeh da kane ka Sorkar mynta.
U la ong ba ha kine ki snem ba la dep, ka Sorkar ka la sdang treikam na ka bynta 15 tylli ki AIIMS bad ba ka jingai jingsumar ka la sdang ha kaba bun na kine. Ka AIIMS Guwahati ruh ka dei ka nuksa kaba pyni ba kane ka Sorkar jong ngi ka pyndep ia ki kam ba ka la shim,” la ong u Myntri Rangbah Duh.
U Myntri Rangbah Duh u la ban biang ba ki polisi jong ki Sorkar barim ki la wanrah ia ka jing duna ki doktor bad ki nongai jingsumar ha ka ri bad ba ki la tei ia ka kynroh kaba khang ia ka jingkiew ki lad ai jingsumar kiba bha.
U Myntri rangbah Duh u la ong ba ha kine ki 9 snem ba la dep, ka Sorkar ka la trei borbah ban kyntiew ia ki jingdon jingem ha kaba iadei bad ki lad ai jingsumar bad ki nongai jingsumar ha ka ri.
U la kdew sha ki mat ba kongsan ha ki kam ai jingsumar ha ka ri da kaba iathuh ba kumba 300 tylli ki medical kolej ki la sdang treikam ha kine ki 9 snem ba la dep haba ianujor bad 150 tylli ki medical kolej ha ki shiphewshemshuwa u snem 2014.
U la ong ruh ba ka jingdon ki seat MBBS ha ka ri ka la kiewarshah sha kumba 1 lak tylli ha kine ki 9 snem ba la dep, katba ki seat PG ruh ki la kiew kumba 110%. Lyngba ka jingsdangia ka National Medical Commission na ka bynt aka jingpyniar ia ki jingai jingpule ha ki kam ai jingsumar ha ka ri.
U myntri rangbah duh ka Ri u la buh bynta kyrpang ruh khnang ba ki samla na ki longiing kiba shem jingeh ki lah ban pynurlong ia la ki jingthrang jong ki ban long doktor.
U Myntri Rangbah Duh u la iathuh ruh ba ia palat 150 tylli ki nursing kolej la pynbna ba ki dei shi bynta ka mang tyngka mynta u snem. Ha ka thain shateilammihngi, ka jingdon ki medical kolej bad ki seat ka la kiewarshah ka kine ki 9 snem ba la dep bad mynta dang treikam ban kyntiew shuh shuh ia kane.
U Myntri Rangbah Duh u la ong ba ka kam ban wanrah ia ki lad ai jingsumar kiba khlain ka la urlong namar ka jingdon ka Sorkar Pdeng kaba khlain bad kaba skhem. U la ong ba ha ki polisi jong ka Sorkar BJP, ki jing thmu bad ki jingkut jingmut kim wan na ka jingiohnong shimet hynrei ha ka jingngeit ha ka ‘ri nyngkong – ki briew nyngkong.
U la ong ba ka dei namar kane ba ka jingpeit jong ka Sorkar kam dei ia ka vote bank hynrei, ka peit ia ka jingpynduna ia ki jingeh ba ki briew ki iashim. U Myntri Rangbah Duh u la ong ba u snegewthuhia ka jingeh haba duna ka pisa ban ioh jingsumar bad u la kren shaphang ka AyushmanYojanakaba ai jingsumar ei haduh T 5 lak.
Kumjuh, 9000 tylli ki Jan Aushadhi Kendra ki ai ia ki dawai ha ka dor kaba jem. U la kren ruh shaphang ka jingbuhpudia ka dor jong ki stent ki mar bujli ia ki khohsiew bad ka jaka leh dialysis ei ha man ka distrik.
Palat 1.5 lak tylli ki wellness centre ki leh ia ki test ba donkam bad ban ioh jingsumar kaba kham bha. Ka Pradhanmantri TB Mukt Bharat Abhiyanruh ka dang pynbeitia ki jineh ba kiba duk ba suk ki iashim. Ka jingiadana ki jingpang lyngba ka jinglehkhuid, ka Yoga bad ka Ayurveda kin kyntiew ia ka koit ka khiah bad ai jingiada na ki jingpang.
U la kren shaphang ki jingjop jong ki skhim Sorkar bad u la ong ba u sngew kumba la shah kyrkhu ban ioh lad ban ai jingshakri ia ki briew. U la ai nuksa da ka Ayushman Bharat PM Jan ArogyaYojnaYojnabad u la ong ba kane ka la kylla sha ka lad ai jingkyrshan ia kiba duk ba suk da kaba iarap ia ki ban kynshew haduh T 80,000 klur.
U la ai jingiarohia ki Jan Aushadhi Kendra kiba la iarap ia kito kiba dang duna jingioh ba kin kynshew haduh T 20,000 klur. U la ong ruh ba kiba duk ba suk bad kito kiba dang duna jingioh ki kynshew T 13,000 klur man u snem namar ka jingpyndunador ki stent bad ki mar bujlikhohsiew.
Katba ka jingioh leh dialysis ei ka la iarap ia kito kiba don jingpang khyllai kiba la ioh kynshew T 500 klur. U Myntri rangbah Duh u la kren ruh shaphang ka prokram ban ai palat 1 klur tylli kiAyushman Bharat Card kaba la sdang ha Assam ka ban iarap shuh shuh ia ki briew ba kin kynshew pisa.
U Myntri Rangbah Duh u la kren shaphang ki jingmyntoi kiba la wan na ki sienjam ba la shim ha ki kam ka koit ka khiah bad ki jingbha na ka bynta ki longkmie. U la kdew sha ka jingartatien ki longkmie ba kin pynlutpisa na ka bynta ka jingsumar.
U la ong ba ka jingshna ia ki painkhana ka la iarap iada na shibun ki jingpang bad ki connection Ujjwala ka la iada ia ki na shibun ki jingpang kiba mih na ka jingbamtdem. Ka JalJeevan Mission ka la iarap iada na ki jingpang kiba pur lyngba ka um bad ka Mission Indradhanushka la iarap ai jingiada na ki jingpang lyngba ka jingioh ei ia ki dawai tika.
Ki skhim Ayushman Bharat, PradhanmantriMatruVandanabad ka National Nutrition Mission ki la kyntiew ia ka koit ka khiah jong ki longkmie. “Haba ka Sorkar ka don ka jingsngewlem bad ka don ka jingbahkhlieh ban ai jingshakri ia ki briew, ngi iohi ia kum kine ki kam,” la ong u Myntri Rangbah Duh.
“Ka Sorkar jong ngi ka dang pynkylla thymmai ia ki kam ai jingsumar jong ka India katkum ki jingdonkam ha kane ka juk mynta,” la ong u Modi. U la kren shaphang ka Ayushman Bharat Digital Health Mission bad ka Digital Health ID ki ban ai jingtip mardor shaphang ka koit ka khiah jong ki briew bad kyntiew ia ki jingai jingshakri ha ki hospital.
U la ong ba u kmen ba haduh mynta, la ai haduh 38 klur tylli ki health ID bad la pynshisha ia palat 2 lak tylli ki jaka ai jingsumar bad 1.5 lak ngut ki nongai jingsumar. U la kren shaphang ka jingiar ka e-Sanjeevini, bad u la batai ba la pynlong 10 klur tylli ki e-consultation lyngba kane ka skhim.
“Ka nongrim kaba khraw tam na ka bynta ka jingkylla ha ki kam ka koit ka khiah jong ka India ka dei ka SabkaPrayas (ka jingpyrshang jong baroh)”, la ong u Myntri Rangbah Duh. U la ong ba u kynmawia kane ka SabkaPrayasha ka por jong ka khlam Coronavirus bad u la ong ba baroh kawei ka pyrthei ka ai jingiaroh ia ka kam ai dawai tika kaba heh tam, kaba sted tam bad kaba seisoh tam ha ka pyrthei.
U la pdiang ia ka bynta jong ki nongtrei Ashabad Anganwadi, ki nongai jingsumar bad kito kiba trei ha ki kam shna dawai kiba la pynbiang ia ki dawai tika kiba shna ha la ri sha baroh ki bynta jong ka ri ha ka por kaba sted bha.
“Kum kane ka Mahayagyakaba heh ka long kaba jop tang haba don ka SabkaPrayas (ka jingpynshang jong baroh) bad SabkaVishwas (ka jingngeit jong baroh)”, la ong u Myntri Rangbah Duh. U la pynkut da kaba kyntu ia baroh ban iaidshaphrang ha ka jingngeit ha ka SabkaPrayasbad rah ia ka kam jong ka India kaba Koit bad ka India kaba Riewspah sha ki kliar kiba thymmai.
U Lat ka jylla Assam, uGulab Chand Kataria, u Myntri Rangbah ka Assam, uHimantaBiswaSarma, u Myntri Sorkar Pdeng ba dei khmih ia ka tnat ka Koit ka Khaih, u Dr MansukhMandaviya, ka Myntri Khynnah ka Sorkar Pdeng ba dei khmih ia ka tnat Health and Family Welfare, ka Dr BharatiPawarbad ki Myntri na ka Sorkar Assam ki la iadon lang ha kane ka sngi ha ryngkat kiwei kiwei ki heh ki hain.
Ka jingpyntreikam ia ka AIIMS, Guwahati kan long ka sngi sah jingkynmaw na ka bynta ka jylla Assam bad ka thain shateilammihngi baroh kawei. Kane kalong ruh ka dak jong ka jingkut jingmut u Myntri Rangbah duh ka ri ban pynkhlain ia ki jingdon jingem ba iadei bad ka koit ka khiah ha kylleng ka ri.
La u maw nongrim jong kane ka hospital la buh ruh da u Myntri Rangbah duh ha u bnai Jymmang 2017. La shna ha ka jinglut kaba palat T. 1120 klur, ka AIIMS Guwahati kadei ka hospital kaba la biang ki jingdonkam katkum ka juk mynta bad ka don 750 tylli ki jingthiah kynthup 30 tylli ki jingthiah na ka bynta ka jingsumar AYUSH.
Kane ka hospital kan shim haduh 100 ngut ki samla pule MBBS manla u snem ryngkat bad ka jingai ki lad jingsumar kiba katkum ka juk mynta sha ki briew jong ka thain shateilammihngi.
U Myntri Rangbah duh u la aiti ruh sha ka ri ia lai tylli ki medical college kiba long ka Nalbari Medical College, Nalbari; Nagaon Medical College, Nagaon; badKokrajhar Medical College, Kokrajhar, ba la shna ha ka jinglut kumba T. 615 klur, T. 600 klur bad T. 535 klur.
Man ka medical college ka don ruh ia ka jaka sumar kaba don 500 tylli ki jingthiah nongpang kaba ai jinghikai ruh ia ki nongsumar bad ki jingai jingshakri OPD/IPD kynthup ki jingai jingsumar ba kyrkieh, ICU, OT bad ki rukom wad ia ki jingpang bad kiwei kiwei. Man ka medical college kin shim 100 ngut ki samla pule MBBS ha ka shi snem.
Ka jingialang plie ia ka campaign ‘AapkeDwarAyushman’ da u Myntri Rangbah duh kadei ka sienjam ban kotsha ka thong jong u ban pynthikna ka jingpoisha man ki nongioh jingmyntoi ban peit ia ka jingpyndep pura ia ki skhim ai jingmyntoi.
U Myntri Rangbah duh u la sam ruh ia ki card Ayushman Bharat PradhanMantri Jan ArogyaYojana (AB-PMJAY) sha lai ngut ki nongioh jingmyntoi, kaba la bud da ka jingsam ia kumba 1.1 klur ki card AB-PMJAY ha baroh ki distrik jong ka jylla.
U maw nongrim jong ka Assam Advanced Health Care Innovation Institute (AAHII) kadei ka sienjam ban kot sha ka thong ‘Atmnirbhar Bharat’ bad ka ‘Make in India’ jong u Myntri Rangbah duh ha ki bynta ba iadei bad ka koit ka khiah.
Kiba bun ki teknoloji ba la pyndonkam ha ki lad ai jingsumar ha ka ri kidei kiba la wanrah nabar ri, bad kilong kiba remdor bha bad kham jynjar ban pyndonkam ha India. La saindur ia ka AAHII ha kata ka rukom bad kan treikam ha kaba ‘ngi wad hi ia ki lad ki lynti na ka bynta ki jingeh jong ngi.’
Yn shna ia ka AAHII ha ka jinglut kumba 546 klur bad kan plie lad ia ka jingsaindur thymmai bad ka jingwad bniah ha ki kam kiba iadei bad ki dawai bad ki lad ai jingsumar, da kaba ithuh ia ki jingeh ba kyrpang jong ka ri ba iadei bad ka koit ka khiah bad kyntiew ka jingshna ia ki teknoloji ba thymmai ban weng ia kito ki jingeh.
