Shillong, Jymmang 07: U MDC jong ka 15-Laban Constituency, u Bah Ricky Shullai ha ka sngi saitjain u la buh ia u Mawnongrim ban tei ia ka iing dorbar shnong Lawsohtun ha ka jinglut kaba T.10 lak tyngka ia kane ka pisa la mang na ka skhim ba kyrpang jong ka sorkar pdeng ia kaba la pyntrei kam lyngba jong ka KHADC.
Ha ka sngi la don lang ruh u Bah Mitchell Wankhar Rangbah shnong, u secretary shnong u Bah Lamkhraw Kharbuli bad ki rangbah don jong ka shnong Lawsohtun bad ki nongshong shnong jong kane ka shnongruh kila ia don lang ha kane ka sngi.
Ha kane ka juh ka sngi, u MDC jong kane jaka u Bah Shullai u la ai ruh ia ki kot kisla kiba ia dei bad kiwei kiwei ki skhim ban pyntrei hapoh jong ka shnong Lawsohtun pyllun kaba la kot sha ka T.42 lak tyngka, ia kine ki kot la ai sha u Bah H Ryntathiang secretary jong ka MCIC ban pyntrei ia ki skhim pynroi hapoh jong ka Constituency.
