Tura, Kyllalyngkot 28: U myntri rangbah ka jong ka jylla u Dr Mukul Sangma mynta ka sngi u la buh ia u Mawnongrim ban tei ia ka Block ba thymmai ha Demdema, ha kaba u shongknor jong ka iing dorbar u A.T. Mondal, u myntri ki kam khlaw u Clement Marak bad u myntri ba dei peit ia ki kam pynroi nongkyndong u Bah Sngewbhlang Dhar u la ia don lang, ka Demdema kahap hapoh jong ka Dadenggre Sub-Division jong ka West Garo Hills District.
Ka Block Demdema, ka dei kaba ar na ki block thymmai kaba u myntri rangbah ka jylla u la plie na ki hynriew tylli kiba san mynta ki long saw tylli ki ban dang hap ban plie ha kine ki khyndait sngi. Ia kane ka block la phiah na ka Selsella Block kaba dei ka block kaba heh duh Garo Hills bad da kane ka jingpynmih ia kane ka block kaba thymmai kan iarap shibun ia ki paidbah kane ka thain ha ka liang jong ka Roi ka par.
Ha ka jingkren jong u myntri rangbah ka jylla u la ong ba kane ka jingioh ia kane ka block kaba thymmai ka dei ka jingangnud jong ka sorkar ban wan rah kham sha jan ia ka roi ka par jong ka sorkar sha ki paidbah, ka jingpynmih ia ki District kiba Rit bad ia ki Block kiba rit ka long ban pynsuk ia ki paidbah ha kaba ia dei bad ki kam ba ki paidbah ki don kam na ka por sha bad bad ka sorkar.
U myntri rangbah u la ong ba kiba bun eh ki skhim na ka bynta jong ki paidbah la pyntrei kam lyngba jong ki C&RD Block bad da ka jingdon jong ki Block kan iarap ia ka sorkar kham pynloi ban pynioh ia ki kam pynroi sha ki paidbah, ha kane ka sngi u myntri rangbah u la pynbna paidbah ruh ia shibun ki kshim kiba kane ka dong bad ka thain kin ioh ha kaba ia dei bad ka surok bad ka sorkar kan buh ruh ia ka Industrial Park ha katei ka jaka.
Ha ka jingkren jong u shnongknor jong ka iing dorbar thawain ka jylla u A.T. Mondal, u la ong ba ka jingdawa jong ki paidbah kane ka thian ban ioh la ka jong ka block ka dei na duh u snem 1998 bad kane ka jingangnud kala urlong mynta, ha ka jingkren jong u myntri ki kam khlaw u Clement Marak ruh u la pynpaw ia ka jingsngew bad u la ong ba ka Salsella Block kaba don haduh 1.74 lak ngut ki paidbah nongshong shnong mynta kan don noh sa tang 85,000 ngut.
Ha ka jingkren jong u myntri ba dei peit ia ki kam pynroi nongkyndong u la ong ba kane ka jingleh jong ka sorkar ka long kaba don kam eh ban pynpoi ia ki kam ki jam jong ka sorkar kham jan sha ki paidbah, ha kane ka sngi la don lang ruh ki heh sorkar kum ka Direictor ka I R Sangma, u Parvin Bakshi DC jong ka West Garo Hills District. Bad kiwei kiwei dei ki heh sorkar.
C&RD Minister Sniawbhalang Dhar who also spoke on the occasion said the creation of the new blocks was a result of the concrete steps taken by the Government to bring administration closer to the people.Director, C&RD, I.R. Sangma and Deputy Commissioner Pravin Bakshi were among others who also spoke on the occasion.
