Shillong, Nailur 23: U bah Banshai Marba
niang u la leit ban ia kynduh ia u myntri ka tnad ka koit ka khiah u bah AL Hek ha ka jingiadon lang bad u director ka tnad ka koit ka khiah u Dr Aman War halor ki jingeh ba ki paidbah Mawlai ki ia kynduh ha kaba ia dei bad ka jingbym biang ka PHC ha Mawlai Mawroh kaba ki paidbah ki ia kynduh na ka por sha ka por.
U bah Banshai u la ong ba ha ka sngi Robibar shu kynsan katba dang sait kali u la shu iohmad ia ka jingmynsaw hapoh ka kti jong u katba dang sait kali haduh ba ka la tuid ka snam haduh la ishyrkhei haduh katta katta bad kloi kloi khlem da pynslem nga la mareh shapoh Mawlai Mawroh PHC kaba kham jan eh ban ioh ia ka jingsumar bad iada kham kloi halor ka jingphlei snam hynrei ynda hangtei nga la poi nga iohi pynban ba ka khang tala bad ym don doctor ne nurse kiban iarap lem ha katei kapor namar ba ki shim shuti.
U Bah Banshai u la buh ka jingkylli ba balei pat ka Sorkar Jylla kan hap ban pynkulmar jingmut iaki riewpaidbah kat haduh ban pynkulmar ruh ia ki Shnong ki thaw ha kum kane kapor ha kaba nakaliang jongki Rangbah shnong kum ki nongialam kin hap ban buh pyrkhing ki jingiada na ka bynta ki nongshong shnong lada ka PHC kan hap ban khang tala haduh ba ymdon nongshakri ne wat ban iada ruh tang ia i jingjia iba rit eh?
Haba ia dei bad kane na ka liang jong u Myntri ba dei peit ia ka tnat jongka koit ka khiah ha ryngkatlang bad u DHS kila buh ka jingkular ba hakhmat ban shimkhia da kaba tyngeh bad ruh ban wat ia ki daw baroh ba balei kala pynkylla long ia katei ka PHC Mawlai Mawroh khamtam hakum kane kapor kaba dang kynrei ka jingsaphriang jong kane ka khlam Covid-19.
U bah Banshai u la ong ba nalor kaba don hapoh khap sor ba kan jia kumtei bad ki la ong ruh ba kum ki nongpeit nongjngoh kin hap ban leit mih hi da la ki jong ki khmat ban iohi ia ka jingjia baroh kat haduh ban hap khang tala bad bym don nongtrei ha katei ka PHC, la ong u bah Banshai Marbaniang ha ka kyrwoh.
