Shillong, Lber 31: Mynta ka sngi ki dkhot jong ka seng KSU kila leit ban khang ia ki Bank kiba plie ban treikam ha kane ka sngi u Blei kaba dei ka sngi burom Paskha namar kane ka jingleh ka ktah ia ka jingsngew jongki paidbah bad kum ka seng kan nym aili.
Ki Tnat treikam bapher bapher jong ka KSU ha ka 31 tarik u Lber 2024 ka la leit ban Pynai Shuti hi ia ki Bank bad kiwei kiwei kiba pynlong trei ha kane ka sngi kaba dei ka sngi kyntang jong ki Khun Kristan katta ka Easter Sunday kaba ju iatip baroh baroh.
Ha kane ka sngi na ka liang jong ka Seng ka la lap ba jan baroh ki Bank ki pynlong trei khlem da burom ïa kane ka sngi kyrpang , ha katei ka jingleit jurip na ka liang ka Seng kala phah khang shi syndon ïaki bank kiba plie. ka Seng kala maham ruh ïa kitei ki Banks ba kim dei ban ïaleh pyrshah ne kheiñ dew thala ïaki sngi kyrpang jong ki Khristan.
Na ka Liang ka Seng ka pynpaw ba dei ka jing leh bym suit niew ka Sorkar MDA lane NDA ia ki paid riew ngeit Kristan hapoh ka Jylla Meghalaya. Katba ha kiwei pat ki jylla kum ka Manipur, Mizoram bad kiwei ki jylla shatei thaiñ lam mihngi ki ioh shuti ha kum kane ka sngi kyrpang Watla dei kata ka Financial year.
Kane ka jingleit Khang khyrdep jong ka KSU ia ki Bank ka kynthup naduh Mawiong, Mawprem,Stand Jeep, Garikhana, Upper Shillong, Mawkhar, Khyndai Lad, Barik,Malki ,Laitumkhrah, Nongmensong bad ha Kylleng ka Bri Hynniewtrep hi baroh kawei.
