Shillong, Nailur 02: Ki nurses kiba don hapoh jong ka NEIGHRIHMS hospital mynta ka sngi kila pynlong ia ka jingiakhih ka jong ki ryngkat bad kiwei ki nongtrei hospital ha kane ka Ri India baroh kwei kiba trei haki hospital jong ka sorkar pdeng.
Kane ka jingiakhih jong ki mynta ka sngi ka long hapoh jong ka lama All India Government Nurses Federation (AIGNF). Ha kane ka jingiakhih da kaba shong kyllain mungor ha phyllaw jong kane ka Hospital da kaba rah ryngkat ki jingthoh ha ki pacard.
Ka jingdawa jong ka AIGNF ka long ba ka jingsiew ia ki nurses ha ki jaka sumar jong ka sorkar pdeng kam dei ban long PB-II hynrei ka dei ban long CIB-5400/- kaba mut ka basic, namar ba ia ki nurses ym shym la kynthup ia ka 7th pay commission ka seng ka dawa ba dei ban pynrung ruh ia ki ha kane kajingsiew kaba thymmai namar ki la duh bun ki jingioh kaba ki dei ban ioh.
Ka jingsiew iaki ruh ka dei ban long ia ryngkat kumba siew hapoh jong ka AIMS, kumba ka long mynta kim ioh kano kano ka jingsiew ha kaba ia dei bad ka jingma ia ka jingim jong ki, ka bai leit bai wan, ka bai telephone.
Haba ia dei bad ka pension jong ki la khaten n aka National Pension Scheme ia kaba ka sorkar pdeng ka dei ban pynduh noh. Ia ki nurses kiba shu trei kontrak ruh dei ban pynrung noh ia ki kum ki nongtrei ba pura.
Ka seng AIGNF naduh mynta ka sngi kila pynlong ia ka jingsangeh trei kam, ha baroh kawei ka Ri, hynrei na ka liang ka jong ki kiba trei hapoh kane ka hospital, kum ka jingburom ia ki nongpang kim pat shim ia kane ka rai ban sngeh trei kam, hynrei ki shu pynlong shuwa ia kane ka jingiakhih da kaba shong kyllain mungor.
Na ka liang jong ki nongialam jong ka seng kila thoh sha ka sorkar pdeng ha kaba ia dei bad kane ka jingdawa ka jong ki hynrei ka sorkar kam sngap, la da ka sorkar kam sngap na ka liang jong ki ruhkim ban se ban sangeh trei kam. Laong u Annad General Secretary.
