Shillong, Risaw 10: Ka KSU East Jaintia hills district Unit haka 10 tarik u Risaw ka la buh daka jingthoh sha u ADC ban tip haduh katno lah iaid ka jingtrei halor utei u surok (update). Haka jingiakynduh bad u ADC mynne halor ka surok ban pan ka jingtip halor u surok.
Na ka liang jong ka KSU kala iathuh ba ha kane ka jingiakynduh na ka liang jong u DC u lah iathuh ha khmat ka seng ba ka NHAI ka lah ban nym shim noh ia une u surok hynrei yn lah ban shim noh daka NHIDCL.
La iathuh ba ka jingslem jong kane ka surok ka long ba ka NHAI ka khot tender tang ban repair ym ban shna pynbha shuh shuh bad la ar sien lah khot tender ba iakhun ban ioh (Bid) tang uwei.
La iathuh ruh ba ka jingslem ka long ba bun na ki liang ki heh ka NHAI ki shah thep jail namar ba don ka jingkynnoh leh thok bad ki mutkot duma ba shah kynnoh bam sap La iathuh ruh ba u Myntri Rangbah ka jylla u la khot ban iakren bad ki nongmihkhmat ka NHAI bad ruh ka lah don ka jingjurip bad mi nongmihkhmat ka thain East Jaintia ha ki sngi ba lah leit hynrei um pat paw satia bha ki dak ki shin ban maramot iaka surok.
Ka seng ka kwah ban kren shai ba lada long ha kano kano ka dur ruh, ka seng ka kwah ban ioh ia u surok ba bha. Ka seng bad u paidbah kim tip ia kita ki jingeh ba don hapoh hynrei ka sorkar ka dei ban sdang ban wad ki lad ki lynti mar mar khamtam ha kane ka por ba dang ailad ka pyrthei ban trei.
Pyntrei kloi ia kane ka surok ioh yn klang ka ding jong ka jingiakhih Ka Seng ka kyrmen iaka ba bha bad khmih lynti ba ka sorkar ka peit mat noh.
