Shillong, Naitung 29: Ka Hynniewtrep A’chik National Movement (HANM) mynta ka sngi kala pynpbna ba kan pynlong da ka jingiakhih shong kyllain mungor ha ka sitarik jong u Nailar ha phyllaw jong ka Meghalaya High Court ha ka sngi ba ka National Green Tribunal (NGT) kan pynlong ia ka jingbisahr ka jong ka ha kaba ia dei bad kane ka kam khang tih dewiong.
Kane ka jingiakhih jong ka seng ka long ban pynpaw ia ka jingsngew pyrshah ka jong ki halor kane ka jingkhang kynsan ia kane ka kam tih dewiong namar kala ktah ia ki paidbah naduh ki nongbylla. Ha ka jingshisha ka la dei ban ai por ym ban khang syndet kumba ka long mynta, la ong u Vice President u Bah Bobby Basaiawmoit.
Kum ka seng kan lah shuh ban shu peit kai ia ka jingeh jong ki paidbah kaba ki ia kynduh ha dien kane ka jingkhang kynsan ia kane ka kam tih dewiong bad kane kala wanrah ruh ia ki katto katne ki kmie ki kpa ba kin die ia la ki jong ki khun ban tang ban im.
Ka seng ka dawa na ka NGT ba ka dei ban pyrkhat ia kane bad ka dei ban buh ia ka jingim briew ha khmat em ban leh ia kaei kaei kaba long kynsan kaba ktah ia ka iap ka im jong ki briew. Ka CEC kala shim ia ka rai ba kin dang pynjur ia ki jingiakhih lada kane ka jingkhang tih dewiong kan dang iai bteng.(SP News)
