Shillong, Iaiong 04: Ka Khasi Student Union kum ba juhlong manla u snem mynta ka sngi ka 4 tarik u Iaiong 2024 ka la rakhe ia ka Khasi Awakening Day mynta u snem da ka ba theh ia ki banner ban dawa ban pynlait na along ia ki 2 ngut dkhot jong ka seng ki ba la shah kem dangshen na Sohra.
Ka jingpyrshah ia ka Citizenship Amendment Act bad ka jingpyrshah tieh Uranium ha poh ka Jylla bad ka jingdawa pyntrei kam ia ka Inner Line Permit ha ka jylla Meghalaya.
Ha ba kren sha ki nongthoh khubor na ka liang u General Secretary Ka seng KSU CEC u bah Donal V Thabah u la ong ba na ka daw ka jingkyrpad jong ki bor Sorkar namar ba ka dangtrei kam ka Model Code of Conduct na ka jingdon jong ka election Loksabha kam shym la lah shu ban pynlong ia ka jingrakhe ia kane ka sngi kyrsiew Ri ha ka shnong Khliehriat East Jaintia Hills District.
U bah Thabah u la ong ruh ba ka Khasi national Awakening Day kam dei kata ka sngi kaba ki rakhe ban pynkyndit thiah ia ka Ri bad ka jaidbynriew baroh kawei hynrei ka dei ruh kapateng pakit ka jaidbynriew ba ki wad jingtip ba kaei ka ba jia ha ka History jong ka Mynor jong ka ri bad ka jaidbynriew.
U bah Thabah u la ong ruh ba na ka liang jong ka KSU ka la don ka jingthmumban pynlong ia ka Kyrsiew Ri ha poh Khliehriat hynrei haba ki nongialam jong ka KSU East Jaintia Hills Unit ki la leit ban ia kynduh ia u DC jong ka East Jaintia.
Hynrei na ka liang u DC u la ong ba ka shong ha u CEO. Haba ki la leit ban ia kynduh ia u CEO hynrei na ka liang u CEO u la ong ba umdon kano kano ka jingthud lada na ka liang u DC ka East Jaintia um shym ladon kano lano ka jingthud.
Hynrei na ka liang ka DC ka la phah pynsangeh noh ia ka jingai jingbit ia ka seng KSU da ka ba aidaw ba ka don ka Modecode of conduct. U samla Donal Thabah u la ong ruh ba na ka liang ka seng kam mut ban klet noh ia kane ka Kyrsiew Ri hynrei ha ki snem ki ban wan na ka liang ka seng kan sa pynlong da kiwei pat ki program ki ba kham heh.
Hynrei na ka liang ka KSU ka la shimnoh da kawei pat ka lad ha ka ba ka la pynlong noh da ka Khasi League Basket ball na ka bynta ki samla shynrang bad kynthei ia ka ba la pynlong ha ka madan ialeh jong ka Mawlai Nongpdeng.
