Shillong, Rymphang 10: U bah Disparsing Rani u wei na ki riew rangbah ba trei mon sngewbha mynta ka sngi u la iathuh ba katkum ka jinglap ka jong u lyngba ka RTI ka long ba ki don haduh 1708 tylli ki kam kiba lai ha ki tnad sorkar.
U bah Disparsing la ong kaba sngewsih ki don 97 tylli ki kam kiba la thung shipor bad ia ka jingthung kam sngelem la pynduh noh naduh u snem 2010, hynrei haduh mynta dang don kiba shah thung da ka jingsngewlem, kine ki long kiba la ioh bad la ong ba dang don shuh ki ban dang ioh jigntip shuh shuh ha kine ki sngi ban dang wan.
Katkum ka jingkhien kaba la ioh kiba bun eh ki kam balait ne hapoh ka tnad ka koit ka khiah kiba dang ioh jingtip ki long 547 tylli, hapoh Society Dept 83 tylli, ha Directorate Statistic 133 tylli, ha Horticulture 33, ha Agriculture 35 tylli, Soil and Water Conservation 226 tylli.
Ha Directorate Commerce bad Industries ki long 113 tylli, ha Directorate Printing 148 tylli, ha Tnad ialehkai 30 tylli, ha Personal Dept ki long Joint Secretary 11 tylli, Deputy Secretary 3 tylli, ha Neurological Science ki don ar tylli kiba la dep thung ha ka jingsngew kaba kyrpang.
