Shillong, Nailar 11: U Bah Foler Doloi u wei na ki nongshong shnong jong ka Warmawsaw u la pynitp ba da ki phew lak tylli ki khniang Saiddho kila poi sha kate
i ka thain Warmawsaw bad kila pynjop ia ka rep ka riang,kum u kba bad u sla niangryndai.
Ka por lyiur ka dei ka por trei bad ka dei ruh ka por kaba eh ba khim bha na ka bynta ki nongrep namarba ki im sngi ban pyndep ia ki lyngkha ki risai jong ki kim ioh por shuh ban leit bylla ban ioh pisa ban thied ia ki jingdonkam ha iing hasem.
Watla ka kam ka long kaba eh bad kaba tan hynrei ki don ki lad pynmih pisa da kaba ri ia u niangryndia. Ban ri niamgryndia don kam ban pynbiang bha ka jingbam khnang ba un heh un san bha. U jingbam niangryndia u long u jingthung uba ki nongrep ki da thung khnang ha ki lyngkha jong ki.
U long kum u dieng phyrngop uba don ki sla kiba heh. U niangryndia u bam bha ia une u sla. Ki nongrep ki khot kyrteng ia une u jingthung da u ‘Sla khniang’ .Na ka por sha ka por ki nongrep ki ju ri ia u niangryndia ym tang ban bam bad die ia u doh met jong u hynrei ka sop jong u ruh ka long kaba bit dor. Kane ka ai jingmyntoi shibun eh ia ki nongrep.
Ki ioh pisa ban thied mluh thied ktung bad kane katai. Kaba sngewsih ka long ba mynta u snem ki nongrep ki mat ia ka jingeh kaba shem pap bad kaba sngewsih kthang haduh katta katta. Khamtam ki nongrep sha shiliang ka wah Khri ki kida kynduh mawsiang hi khait! Ha kaba sdang ka kam ka iaid beit kumba ju long.
Ki sla khniang ruh ryngkat bad u kba ki heh ki san khlem jingthut bad ki briew ki ioh ban ri ia u khniang ryndia bad don ruh kiba la ioh die ha iew ha hat. Phewse kane kam shem la neh bad long kumba la angnud. Da ki million tylli ki wei pat ki kynja khniang kiba ki nongrep ki khot kyrteng ki niangsaiddho ki la mih bad bam pynduh ia u sla khniang.
Ki nongrep ki la pyrshang bun ki lad ki lynti ban pynduh ia u niangsaiddho hynrei long lehnoh ei. Ki nongrep ki hap ban sangeh ka ri niangryndia namarba kim ioh sla shuh ban ai bam. La trei lut khoit da ki niangsaiddho. Bun ki long ing ki la iam sngewsih haba ki la mat jingeh shi kat dei ha kaba hapoh sem lyngkha dang kyrhai ki niangryndia kiba dang bam hynrei ha lyngkha u sla khniang ym don shuh.
Wat ki bynta kiba kham jem ha ki tnad bad u met bah jong u sla khniang ruh u niangsaiddho u bam jem beit. Ki nongrep bapli nalor ba ban ka jingduk ka jingthait ka jingjrem wan sa kane ka apot sep sngi! Ym tip thikna nongno bad kumno mih u niangsaiddho tangba u la pynjot hi khait ia ki nongrep.
Haba leit peit hadien ka jingud jingnam jong ki nongrep la lap bad shem shisha kumba la batai ki paidbah nongrep! la shon dur bad ring video ia bun tylli ki lyngkha bad la lap ruh da ki lak bad ki tylli ki niangsaiddho naduh ki dang rit haduh kiba la heh kiba dang ia khun dukhi khait ban pynlut syndon ia ki sla khniang kiba dangsah katto katne.
Na ka liang jong u Bah Doloi u kyrpat ngi kyrpat jur ia ki bor kiba halor ban leh kyrkieh kino kino ki lad jingiarap na ka bynta ki nongrep kiba la ngat shisha ha ka shem pap. Kumjuh la kyrpat ia knat kiba dei peit ia kine lain sngewbha ban shim khia bad ban phah jurip khnang ba kin don kino kino ki lad jingiada.
