Shillong, Jymmang 19: U samla Justice Paul Lyngdoh, Education Secretary ka KSU Jaintia Hills District u la ong ba, dang don shibun bha ki Nurse ki ba lah dep pyndep iaka jingpule kiba Shu shong ìing hapoh ka jylla.
Hynrei ka jingkylli ka long balei ka sorkar kam khot ia ki ban wan ban trei bad ka sorkar ban pynbiang ia ki nongtrei ha ki Corona Care bad wat ha ki Community Isolation Centre ruh, Kumba ki tip ba ki Nurse ki Doctor kidei kita ki Front lines kiba iakhun tyngeh ban pynkoit iaki nongpang khamtam iakito kiba la mad ia kane ka u khlam.
Lada ka sorkar ka thungkam iaki samla ba lah dep pule Nurse khlempep ka pynsting iaka lyngkor ba khia jong kito ki Nurse ba lah don duty haki jaka sumar
Kum ha kane ka por ba dang jur ka jingialeh pyrshah ia u ne u khlam Covid-19 ha man la ki District bad ka jylla kala sakhi ba une u Khniang jingpang ula nang jur nangjur ha man la ka sngi lada ha sor ne wat sha ki shnong khapsor bad sha kyndong ruh.
Une u khniang jingpang u lah nang pur nang pur kumba lah sakhi ha manla ka sngi ki kaiphot ba ioh na ka sorkar. Ha kine ki sngi ba lah dep na ka liang jong ka KSU la iohi ba ka lah leit jurip ia ka jingpynkhreh jong ka sorkar haman la ki Sub-Centre ki PHC , ki CHC bad ha kumjuh iaki Civil Hospital ruh ha kaba la ioh ban sakhi ba dang don shibun eh ki jingduna na ka bynta ki jingdonkam ki nongpang Covid-19.
Kine ki jingduna ki kynthup ia ki Oxegen Cylinder, ki jaka thiah ia ki nongpang Covid-19, ki dawai ki dashin, khamtam ki nurse ne ki nongtrei hapoh ki health Centre ki dang duna bha ki ban sumar ia ki nongpang Covid-19.
Ka sorkar ka dei ban buh la ki jong ki nongtrei ne ki Nurse ki ban sumar ia kiba pang Covid-19 ym ban pynkhleh da ki juh ki Nurse ki ban peit ia kiwei pat ki nongpang kiba ioh na kiwei pat ki jait nongpang . Kumjuh ki Nurse kiba trei hapoh ka Corona Care ki dei ba Isolate ialade ne ba shong Quarantine ha manla ka shi taiew ba ki lah don duty.
Shuh shuh kumba ka sorkar ka lah pynbna ban pyntrei kam biang ia ki Community Isolation Centre ha manla ki jaka ka lah dei ban buh ruh da ki Nurse kiba lah tbit kiba lah dep pule ym kumba ka thmu ban phah peit tang Da ki lba trei ASHA ia ka ta ka ISC ki ban peit ban sumar ia ki ba shitom na u COVID-19.
Naka jingleit jurip jong ka KSU la pynpaw shynna ba ka jingkop jong sorkar jylla ba ka la long ba ka lahdep pynkhreh ban iakhun ia kane ka khlam ka long kaba bakla. Haka jingshisha ka sorkar jylla ka ladei ban pynbha iaka rukom sumar ha ki jaka sumar ha nongkyndong khnang ba ki nongpang na nongkyndong kim donkam ban kiew sha sor ban leit shah sumar.
Namar kumba la iohi teng teng ba ki jingpang kiba malu mala kiba dang lah ban sumar haki Jaka sumar ha nongkyndong, hynrei tang namarba ymdon Doctor bad Nurse, la hap ban pynkynriah sha sor.
Nalor ka jingbymbiang ki Doctor kiba don 24 kynta hakato ka jaka sumar, hynrei la iohi ruh ba ka sorkar kam pynbiang iaki dawai dashin bad ki jingdonkam baroh haki jaka sumar ha nongkyndong. Lada ki jaka sumar ha nongkyndong ki biang lut nadong shadong, khlempep ka pynduna iaka jingkhapngiah haki Hospital ha sor.
U tei u nongialam jong ka seng KSU u la ong ba lada duna ka jingkhapngiah ka pynduna ruh iaka jingpursted u ne u khlam. Teng teng naka jingleit tuid palat ki nongpang na nongkyndong ruh ka la pyllong ruh iaka jingsaphriang shuh shuh ia une u jingpang namar ka jingkhapngiah bad khamtam namar ka jingbymlah shuh ban pynjngai iwei ia iwei.
Nakata ka daw ka sorkar ka dei ban phai khmat sha ki jaka sumar ha nongkyndong bad ruh ban thungkam shuh shuh iakito ki Nurse kiba lahdep pule pyntbit kiba shu shong iing man ka sngi tang namarba kim ioh jaka trei.
Kumjuh ruh nga ai khublei ia ki nurse ki Doctor ki ba lah hap trei miet bad sngi na ka bynta ki nongpang ha ki Hospital bapher bapher naka bynta ban iakhun ia une u khlam COVID-19, la ong u samla Justice Paul Lyngdoh,Education Secreatary KSU Jaintia Hill District ha ka kyrwoh kaba u la phah.
