Tura, Naitung 29: Ka jingshlei um ha West Garo Hills ka dang jur ha kaba la lah ban pynkynriah ia ki briew haduh mynta ka sngi kumba 1.20 lak ngut ki paidbah bad la buh haduh 30 tylli ki jaka she ba shipor bad ki shnong kiba la shah ktah ki long haduh 91 tylli haduh mynta.
Haba kren ha u SP News Agency u Deputy Commissioner jong West Garo Hills District u Pravin Bakshi u la iathuh ba ka jingshlei um kam pat duna haduh mynta ka sngi bad katkum ki jingkhein kiba la lah ban ioh ka long ba la pynkynriah ia kumba 1.20 lak ngut ki briew sha ki jaka sah ba shipor kiba la buh da ka sorkar.
Haduh mynta ka sngi la ong ba la lah ban buh haduh 30 tylli ki jaka sah kiba shipor bad na ka liang jong ki shnong kiba la shah ktah ki long haduh 91 tylli. Ka sorkar kala dep ban pynbna ba kan ai bam ia sa ia kine kibriew na ka bynta shiphew sngi.
Haba jubab ia ki jingkylli ba ki supplier kila kyntait bam ai ia ki marbam na ka daw ba ka sorkar kam pat siew ia kaei kaba kila ai ha u snem 2014, na ka liang jong u DC u la ong ba ia kane kila ia leh ban pynbeit bad ban peit ba ki paidbah kiba don ha ka jingshah ktah ha ka mariang kin nym shym jynjar.
n>
