Shillong, Nailar 10: ka Kiang Nangbah Govt College Students Union (KNGCSU) iaka Khasi Students Union (KSU) ban dawa weng noh ia u Aadhaar ba ym dei ban long u ba donkam khamtam ia ki samla pule naka bynta ban ioh apply Bai bam namar ba kan long ka jingeh ia ki Samla pule ban apply iakane ka Scholarship lada hap ban don u Aadhaar.
Katkum ka kyrwoh na u Justice Paul Lyngdoh General Secretary KNGCSU u lah ong ba dang don bun kiba hapoh ka jylla jong ngi kiba dang artatien ia une u Aadhaar, Ai ba kan long katkum ka rai jong ka iingbishar kaba ha khliehduh jong ka Ri India kaba kala pynmih haka 15 tarik Risaw 2015 ha kaba ia dei bad u Aadhaar ha kaba kala kren shai ba yn nym lah ban long u ba donkam katba ym pat lah ban ai da kawei pat ka rai.
Na ka liang jong ka KNGCSU ruh ka la dawa na ka sorkar jylla ba kan pynshai paidbah noh shuwa ha kaba ia dei bad ka kane ka kam ha baroh kawei ka jylla bad ka sorkar ka dei ruh ban leh ei ei noh ha kaba ia dei bad ka jingpynbna jong ka sorkar.
Ia ki samla pule jong kane ka jylla ka sorkar kadei ban pynlait noh na kane ka jingbuh kyndon ban lait na kano kano ka jingeh ha kaba ia dei bad ki samla pule jong KNGC bad ia kiwei pat ki jaka pule ruh kiba don hapoh ka jylla namar bun ki samla pule ki don kam ia kane ka jingiarap ban kyrshan ia ka jingpule ka jong ki.
