Shillong, Naitung 15: Ka seng FKJGP jong ka Jaintia Hills mynta ka sngi kala leit ban ai da ka jingthoh sha u myntri ka koit ka khiah jong ka jylla ban dawa na u ba ka sorkar ka dei ban shim khia ha kaba pynbit pynbiang ia ki lad jingai jingsumar sha kitei ka thain Jaintia namar bun naki jaka ai jingsumar jong ka sorkar haduh mynta ki don tang u wei doctor bad don ki bymdon doctor ruh.
Haba kren ha ki nongthoh khubor ha dien ba kila dep ban ia kynduh ia u myntri ka koit ka khiah u Bah Ricky Shylla secretary bad u Tuesday Lytep president FKJGP-JH la ong ba kum ka CHC Nongtalang haduh mynta ka don tang u wei u Docotr bad kum ka Jarain PHC pat kam don doctor naduh ba la mih u ba don mynshuwa.
Kum ka seng kala dawa na u myntri ba u dei ban thung noh ia ki doctor kham kloi, haba ia dei bad ka tulop jong ki nongtrei kiba la sah teng mynta la saw bnai na ka liang jong ka seng kala ai jingmut shaka sorkar ba ka dei ban buh kyrpang ia ka pisa bad ba kan dang siew ia ka tulop bad ka sorkar jylla kalah ban pyndap biang haba kala wan naka sorkar pdeng.
Katkum ka jingkhein kaba ka seng ka donb ad ki, kinongtrei baroh haduh mynta ki don 134 ngut bad kiwei dei kiba khlem pat ioh ia ka tulop jong ki bad na pdeng kine don ruh kiba la trei palat ia ka 12 snem lynter, ka seng ka dawa ba ia kito kiba la trei san snem shaneng dei ban ithuh noh kum ki nongtrei sorkar bapura katkum ka rai kaba la tip kum ka Assured Carried Progressive Scheme (ASPS).
Ha kane ka jingiakynduh na ka liang jong u myntri u la iathuh ba ka sorkar kala thung ia ki doctor ha ki hynriew tylli ki jaka ai jingsumar jong ka sorkar kum ka, Bataw PHC, Iooksi PHC, Nangbah PHC, Namdong PHC, Pdengshakap PHC bad Laskein CHC.
