Shillong, Nailur 15: Ha dien ka jingiakren kaba la neh haduh san kyntat hapoh ka iing dorbar thawain jong ka Meghalaya Legislative Assembly, ki liang pyrshah kila wengnoh ia ka “No Confidence Mation” lane ka mat jingiakren ba ym don jingshaniah shuh ha kane ka sorkar kaba la ialam da u Dr Mukul Sangma.
Ha dien ba la ioh ia ka jubab na u myntri rangbah hapoh ka iing dorbar thawa ain ka jylla u Bah Ardent M Basaiawmoit MLA jong ka HSPDP u ba la sdangia ka jngkren halor kane ka mat jingiakrem byndon jingshaniah shuh ia ka sorkar, u la ong ba na ka liang jong u un weng noh ia ka “No Confidence Motion” da kane ka jingweng noh ka sorkar u Dr Mukul kala neh khlem da ia tynjuh bor.
Na ka liang jong u shongknor jong ka iing dorbar u AT Mondal, u la ong ba ha ka jingshisha ha ba wanrah ia ka No Confidence Motion kajuh don ka jingia vote, hynrei mynta ki liang pyrshah ki la weng noh, kane ka dei ka sien kaba nyngkong ban jia. Na ka liang jong speaker u la buh ha khmat jong ka iing dorbar la ka iing kan pdiang ne em ia kane ka jingweng noh.
Haba u Shongknor u la btah ia ki dkhot jong ka iing dorbar ba kin ai ia ka rai, kito kiba kyrshan ia kane ka jingweng noh kin ai ia ka jingmynjur ka jong ki da kaba ong “Hooid” bad kito kiba pyrshah kin ong “EM”. Ki dkhot jong ka iing dorbar kila ai ia ka jingmynjur da kaba ong “Hooid” bad da kane ia ka No Confidence Motion” la weng noh.
