New Delhi Iaiong 17: U myntri jong ka sorkar pdeng u ba dei peit ia ki kam pynroi sor u M.Venkaiah Naidu, la shai ka sngi un ia kynduh ia ki myntri kam pynroi sor kane ka dong shatei lam mih ngi jong ka Ri India ha Guwahati.
Ha kane ka jingialang, ki secretary jong ka tnad pynroi sor National Mission Directors jong ka new urban missions kin poi ha Guwahati la shai ka sngi bad kan don ka jingiakynduh bad heh jong ki sorkar jylla kiba dei peit ia ki kam pynroi sor kin ia kdon lang kynthup ia ki myntri rangbah ki jylla, ki myntri ba dei peit ia ki kam pynroi sor bad kiba dei peit ia ki kam Municipal.
Kumba ka long ka sorkar pdeng kala mang haduh 99,940 tylli ki iing na ka bynta kiba duk kiba hap ha ki jaka sorkar bad ka jingbei pisa ia kane ka skhim kan long 10 pc da ki sorkar jylla. Ka jingiarap pisa kan long hadpeng T.10,00,00 tyngka ha duh T.2.40 lak tyngka na ka bynta kawei ka iing. Ha NE baroh ki nongbah kiba dei ban ioh ia kane ka skhim ki don 12 tylli.
Ki nongbah jong ka dong shatei lam mih ngi jong ka Ri India kiba hap hapoh jong ka skhim AMRUT ki kyntup ia ka, Arunachal Pradesh, nongbah Itanagar, Assam, ki nongbah ki long ka Guwahati, Dibrugarh, Naogaon and Silchar, Manipur, ka nongbah Imphal, Meghalaya ka nongbah Shillong, Mizoram ka nongbah Aizawl, Nagaland ka nongbah Dimapur bad Kohima, Sikkim ka nongbah Gangtok, Tripura ka nongbah Agartala. Ia kane ka skhim kan bei pisa 90% da ka sorkar pdeng.
Ki pharaq tylli ki nongbah hapoh ka dang shatei lam mih ngi jong ka Ri India kiba hap hapoh jong ka City Mission ki long ka Guwahati, Imphal, Agartala, Kohima and Namchi haka jylla Sikkim katba Pasighat ha Arunachal Pradesh bad ka nagbah Shillong kum ka jylla Mizoram ki dang hap ban ap ha ka bynta kaba lai.
