New Delhi, Naitung 15: U myntri rangbah duh jong ka Ri India u Narendra Modi, la shai ka sngi yn ia kynduh lang ia baroh ki myntri rangbah jong ki jylla jong ka Ri ha ka jingialang kaba khatwei jong ka “Inter-State Council meeting” kaba khatwei haka nongbah Delhi.
Ha kane ka Inter-State Council meeting, u myntri rangbad duh jong ka Ri u long u Chairman, bad ki mat ba kin ia kren ha kane ka jingiakynduh lang ki long halor ki saw tylli kip hang, Ban ia tai halor ka kaiphot jong ka “Punchhi Commission” halor ka jingiadei hapdeng ki jylla bad ka sorkar pdeng, ka jingpyndon kam ia u Aadhaar kum u dak jong ka jingithuh ha kaba pyndon kam ia ka “Direct Benefit Transfer” naka bynta ban ai ia ki jingiarap sorkar sha ki paidbah. Ban ia kren kumno ban pynbha ia ka pule dangleng bad ka jingmih na kane bad kaba khatduh ka long ban ia kren halor ka phang kumno ban peitngor ia ka shong suk shong sainhapoh jong ka Ri ia kaba la tip kum ka “Internal security”.
Ha kane ka jingialang baroh ki myntri rangbah jong ki jylla, ki myntri rangbah jong ki Union Territory kiba don ia ka iing dorbar thawain, bad ki Administrators jong ki Union Territory kiba don ia ka iing dorbar thawain, hynriew ngut ki myntri kabnet bad hynriew ngut ki myntri khynnah kiba bat ia tand sorkar kin ia don lang ha kane ka jingialang.
Ki hynriew ngut ki myntri cabinet ka sorkar pdeng ki long, Shri Rajnath Singh, Smt Sushma Swaraj, Shri Arun Jaitley, Shri M. Venkaiah Naidu, Shri Nitin Jairam Gadkari bad Shri Manohar Parrikar ki long ki dkhot jong ka Inter- State Council. Kat ba ki myntri jong ka sorkar pdeng u Suresh Prabhu, Shri D. V. Sadananda Gowda, Shri Ramvilas Paswan, Shri Ravi Shankar Prasad, Smt Harsimrat Kaur Badal, Shri Jual Oram, Shri Thaawar Chand Gehlot, Smt Smriti Zubin Irani, Shri Dharmendra Pradhan, Shri Piyush Goyal bad Smt Nirmala Sitharaman ki long ki shah khot kyrpang hakane ka Inter-State Council.
Ia ka jingialang kaba shiphew jong kane ka Inter-State Council meeting la pynlong ha nongbah Delhi ha u snem 2006.
