Shillong, Lber 08: Ka Expert Committee kaba la thaw da ka sorkar ban peit biang ia ka Policy bha kam jong ka jylla Meghalaya ia kaba la thaw katkum ka jingpynbna sorkar NO. PER(AR) 49/2023/PT/3 Dated the 12th September,2023 hapoh jong long shongknor u nongbishar bala shnong thiat u Justice(Retired) Mool Chand Garg kala ia kynduh mynta ka sngi ha ka sien kaba nyngkong bad ki heh sorkar jong ka jylla Meghalaya.
Shuwa ba kan don kane ka jingialang mynta ka sngi, kane ka kommittee kala pynlong ia ki jingialang da kaba kila ia kren lyngba ki kor internet, mynta ka sngi kane ka Expert Committee kala leit sha ka ophis trei kam jong ka kaba don ha Lachumier ha ka ophis jong ka Assistant Commissioner of Food and Safety, Lachumiere,Shillong.
Ki dkhot jong ka kommitee ruh ha kane ka sngi kila pynlong ia ka jingialang hapdeng jong ki ha kaba kila poi sha ka wei ka jingmut ban shim ia ka rai ba kumno ba kin dang iaid nangne sha khmat ha kaba ia dei bad kane ka jingbishar bniah ia ka polisi bhah kam.
Ka sorkar kala thaw ia kane ka kommittee ba kan peit kyrpang ia ka polis thung kam ia kaei kaba ladon ha ka jylla , ha kane ka jingalang mynta ka sngi kila shim ia ka rai ba kin dang bteng ia kane ka jingiakynduh ha u bnai Iaiong ban wan.
