Shillong, Iaiong 01: Namar ka jngiakynrum kynram hapoh jong ka seng Congress namar kala don ka jingiakynnoh ba ki don ki briew jong ka seng kiba la ai ka jingkyrshan ia u Rev PBM Basaiawmoit bad kane kala poi haduh ki tyndong skhor jong ki heh jong ka AICC ha kaba ki nongialam na Delhi kim lah ban shu sngap.
U Bah Oris Lyngdoh uwei na ki heh jong ka MPCC haba kren ha u SP News Agency u la ong ba na ka liang jong ka MPCC kam don jingtip ei ei ha kaba ia dei bad kata ka jingkynnoh hynrei ki iohi ha ki kot khubor ba ka don kum kata na ka liang jong u la iada ba kam don ei ei kaba kum kata.
Ha ka juh ka por la iathuh ba u Genenral Secretary jong ka seng u ba dei peit ia kane ka jylla u Luizinho Faleiro yn wan ha kane ka jylla Meghalaya ha ka sngi Palei bad ban ia kynduh ia baroh ki 29 ngut ki MLA jong ka seng Congress bad ha ka juh ka por ban wan ialap election na ka bynta u kyrtong ka seng u Bah Vincent Pala.
Ki thymmei khubor ba ia jan bad ka seng Congress la iathuh ba ha kane ka jingwan jong u tei u General Secretary jong ka seng, u la btah ba dei ban khot ia ka jingialang jong ka Congress Legislature Party ban ia kren ia pynbeit ia ki hamsaia ba ki don ki MLA jong ka seng Congress ki leit ban kyrshan ia kiwei pat ki kyrtong.(SP News)
