Shillong, Kyllalyngkot 29: Ka jylla Meghalaya ha u ne u snem mang tyngka kala ioh tanglai tylli ki surok na ka NERSDS, kawei na Rhymbai sha Jalalpur kaba sah mynta sa tang 3km, kawei na 9th miles NH-37 sha Umsem lyngba ka Pilangkata ban pyniasoh bad ka East West Corridor kaba 34 Km. Kine ki surok ki pyniasoh ia ka Jylla Meghalaya bad ka jylla Assam.
Sha ki bynta jong ka Garo Hills pat, yn shna ia ka surok na Damra NH217 sha Bajengdoba lyngba jong ka Mendipathar 38km. La ong ba ia kitei ki surok yn shna hapoh jong u snem mang tyngka 2017-2018, la bethah ia ka NHIDCL ba kan pynkhreh noh ia ka DPR.
Haba khein baroh kan long tang 75km kiba ka jylla Meghalaya kan ioh na ka NERSDS, ban ia nujor bad kiwei ki jylla jong ka dong shatei lam mih ngi jong ka Ri India. Ia kiwei ki surok kiba dang sah yn sa leh pat ha u snem mang tyngka 2018-2019.
